पुणे - पिस्तूल परवाना व सुरक्षा रक्षक मिळावा यासाठी स्वतःच्या गाडीवर गोळीबार घडवून आणणाऱ्या शिवसेनेच्या (एकनाथ शिंदे गट) युवासेनेचे जिल्हाप्रमुख नीलेश घारे याच्यासह चौघांना न्यायालयाने शनिवारपर्यंत (ता. ३१) पोलिस कोठडी सुनावली आहे..या गुन्ह्यात घारे (वय ३८, रा. वारजे) याच्यासह सचिन अनिल गोळे ( वय २७), शुभम संपत खेमनार ( वय २७) आणि अजय ऊर्फ बगली रवींद्र सकपाळ (वय २५, तिघे रा. वारजे माळवाडी) यांना अटक करण्यात आलेली आहे. तर गोळीबार करणारा संकेत प्रभाकर मातले (वय २६, रा. कोल्हेवाडी) हा फरार असून पोलिस त्याचा शोध घेत आहेत..गोळे, खेमनार आणि सपकाळ यांना रविवारी (ता. २५) अटक करण्यात आली होती. न्यायालयाने त्यांना गुरुवारपर्यंत (ता. २९) पोलिस कोठडी सुनावली होती. या तिघांसह घारे यांना गुरुवारी न्यायालयात हजर करण्यात आले होते. घारे हे युवासेनेचा जिल्हाध्यक्ष आहेत. वारजे माळवाडी भागातील रामनगर येथे पक्षाचे कार्यालय आहे..१९ मेला ते रात्री १२ च्या सुमारास बैठकीसाठी कार्यालयात आले होते. त्यांनी त्यांची कार पार्क केली व ते कार्यालयात गेले. ते आत जाताच दुचाकीवर आलेल्या दोन अज्ञातांनी त्यांच्या गाडीवर गोळी झाडली. गोळीबार झाल्याने घारे धावत बाहेर आले. तोपर्यंत दोघे पसार झाले होते..वारजे माळवाडी पोलिसांनी विशेष पथक स्थापन करून या घटनेचा तपास सुरू केला होता. तपासात गोळीबाराचा बनाव रचला गेल्याचे समोर आले. घारे यांनी त्यांना पिस्तूल परवाना मिळावा व पोलिस संरक्षण मिळावे, यासाठी हा बनाव रचला गेल्याचे निष्पन्न झाले. आरोपींनी हा गुन्हा नेमका कोणत्या कारणासाठी केला आहे, याबाबत सर्व आरोपींकडे एकत्रित तपास करायचा आहे..गुन्ह्यात आरोपींनी वापर पिस्तूल जप्त करायचे बाकी आहे. आरोपींनी ते पिस्तूल कोठून आणले याचा तपास करण्यात येत आहे, या सर्व तपासासाठी आरोपींना पाच दिवसांची पोलिस कोठडी देण्यात यावी, असा युक्तिवाद वकील नीलिमा इथापे यांनी केला. दोन्ही पक्षांचा युक्तिवाद ऐकून न्यायालयाने आरोपींना शनिवारपर्यंत (ता. ३१) पोलिस कोठडी सुनावली..नीलेश घारे रेकॉर्डवरील गुन्हेगार -घारे हे रेकॉर्डवरील गुन्हेगार असून त्याच्याविरोधात वारजे माळवाडी पोलिस ठाण्यात तीन गुन्हे दाखल आहेत. २००६, २०११ आणि २०२४ साली त्यावर महाराष्ट्र पोलिस कायदा, शस्त्र कायद्यासह विविध कलमांनुसार गुन्हे दाखल आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
