पुण्यात होळी, धुलिवंदन साजरी करण्यास मनाई

पुणे: जिल्ह्यात सार्वजनिक ठिकाणी, हॉटेल्स, रिसॉर्ट, सभागृहे आणि सर्व गृहनिर्माण सोसायट्यांमधील मोकळ्या जागांमध्ये होळी, धूलिवंदन आणि रंगपंचमी उत्सव साजरे करण्यास मनाई करण्यात येत आहे. याबाबतचे आदेश जिल्हाधिकारी डॉ. राजेश देशमुख यांनी जारी केले आहेत. जिल्ह्यात कोरोना विषाणूंचा प्रादुर्भाव पुन्हा वाढत असून, रुग्णांची संख्या वाढत आहे. त्यावर तत्काळ प्रतिबंधात्मक उपाययोजना आखणे आवश्यक आहे. त्यामुळे जिल्ह्यात होळी व धूलिवंदन सण एकत्रित येऊन सार्वजनिक ठिकाणी, हॉटेल्स, रिसॉर्ट, सार्वजनिक सभागृहे, खासगी मोकळ्या जागा, सर्व गृहनिर्माण संस्थांमधील जागा येथे होळी, धूलिवंदन आणि रंगपंचमी साजरी करण्यास मनाई करणे आवश्यक झाले आहे.

आपत्ती व्यवस्थापन कायद्यानुसार जिल्ह्यात यात्रा, उत्सव आयोजित करण्यास परवानगी देण्याबाबत निर्णय घेण्यास जिल्हाधिकारी यांना प्राधिकृत करण्यात आले आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

येत्या २८ मार्च रोजी होळी असून, २९ मार्च रोजी धूलिवंदन आणि २ एप्रिलला रंगपंचमी आहे. खबरदारीच्या उपाययोजना म्हणून गर्दी टाळण्यासाठी सार्वजनिक ठिकाणी हे उत्सव साजरे करण्यास मनाई करण्यात येत आहे. या आदेशाचे पालन करुन नागरिकांनी जिल्हा प्रशासनास सहकार्य करावे. तसेच, आदेशामधील कोणत्याही तरतुदीचा भंग केल्यास संबंधितांविरुध्द आपत्ती व्यवस्थापन कायदा-२००५ आणि कायद्यातील इतर तरतुदींनुसार कारवाई येईल, असे जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष डॉ. देशमुख यांनी आदेशात नमूद केले आहे. 

विश्रामबाग वाडा अंधारात; पुणे महापालिकेने वीजबिलच भरले नाही