पुणे : हडपसरमध्ये तरुणावर तीक्ष्ण शस्त्राने वार करून पसार झालेल्या सराइताला पोलिसांनी अटक केली. त्याच्याकडून देशी बनावटीच्या पिस्तुलासह काडतूस जप्त केले आहे. विनीत रवींद्र इंगळे (वय २४, रा. सातववाडी, हडपसर) असे अटक केलेल्याचे नाव आहे. .वैमनस्यातून इंगळे व साथीदारांनी दीपक विजय कलादगी (वय २१, रा. पवार कॉलनी, हडपसर) याच्यावर २० मार्चला तीक्ष्ण शस्त्राने वार केले होते. या घटनेत कलादगी गंभीर जखमी झाला होता..गेले चार महिने तो पोलिसांना गुंगारा देत होता. ३० जूनला इंगळे हडपसरमधील लोहिया गार्डनजवळ थांबल्याची माहिती पोलिस कर्मचारी महेश चव्हाण आणि अभिजित राऊत यांना मिळाली. पोलिसांनी सापळा रचून त्याला ताब्यात घेतले..त्याच्याकडून देशी बनावटीच्या पिस्तुलासह काडतूस जप्त केले. वरिष्ठ पोलिस निरीक्षक संजय मोगले, गुन्हे शाखेचे निरीक्षक नीलेश जगदाळे, उपनिरीक्षक हसन मुलाणी, सत्यवान गेंड, कर्मचारी अविनाश गोसावी, संदीप राठोड, दीपक कांबळे, सचिन जाधव, अमित साखरे, नीलेश किरवे, निखिल पवार, भगवान हंबर्डे, बापू लोणकर, अमोल दणके, अजित मदने यांनी कारवाई केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
