पुणे : पुणे शहरात दिवसेंदिवस कोरोना रूग्णांची संख्या वाढत चालली आहे. मुंबई आणि पुण्यात सर्वाधिक कोरोनाबाधित रुग्ण आढळून आहे. लाॅकडाउन अनलाॅक केल्यानंतर नागरिक नियम न पाळताच बाहेर पडत आहेत. यामुळे सध्या पुणे शहरातील काही भाग कोरोनाचा हॉटस्पॉट होत आहे. अशा भागातील 15 ते 30 लोकांना कोरोनाची लागण झाली असावी, अशी शक्यता भारतीय वैद्यकीय संशोधन परिषदेनं व्यक्त केली आहे.
पुण्याच्या बातम्या वाचण्यासाठी येथे क्लिक करा
एका मॅगझिनच्या दाव्यानुसार, देशातील कंटेन्मेट झोनमधील एक तृतीयांश नागरिकांना कोरोनाची बाधा झाली असावी. यातून ते बरेही झाले असावेत. देशभरात महाराष्ट्रामध्ये सर्वाधिक कोरोनाबाधित रुग्ण आढळून आहे. मुंबई आणि पुण्यात सर्वाधिक रुग्ण आहे. त्यामुळे या शहरांमध्ये कंटेन्मेट झोनची संख्या मोठ्या प्रमाणात आहे.
दरम्यान, जो परिसर हॉटस्पॉट म्हणून घोषित करण्यात आला आहे. त्या परिसरातील जवळपास 30 टक्के नागरिक हे कोरोनाच्या विळख्यात सापडले असावेत. एका अहवालात ही बाब नमूद केली आहे. याबद्दलची माहिती केंद्रीय कॅबिनेट सचिव आणि पंतप्रधान कार्यालयाला पाठवण्यात आली आहे.
तसेच मुंबई, पुणे, दिल्ली, अहमदाबाद आणि इंदूर या शहरात कोरोनाचा मोठ्या प्रमाणात संसर्ग वाढला आहे. या भागात 100 टक्के संसर्गाची नोंद करण्यात आली आहे. आयसीएमआर केलेल्या संशोधनात मुंबई, ठाणे, पुणे, अहमदाबाद, सूरत, दिल्ली, कोलकाता, इंदूर, जयपूर आणि चेन्नई या शहरातून नमुने गोळा केले होते. यात शहरातील कंटेन्मेंट झोनमधून 500 नुमने गोळा करण्यात आले होते. यासोबतच 21 राज्यातील 60 जिल्ह्यातून प्रत्येकी 400 नमुने गोळा करण्यात आले होते. धक्कादायक म्हणजे, देशातील एकूण रुग्ण संख्येपैकी 70 टक्के रुग्ण हे मुंबई, ठाणे, पुणे, अहमदाबाद, सूरत, दिल्ली, कोलकाता, इंदूर, जयपूर आणि चेन्नई या शहरात आढळून आले आहे.
दरम्यान, गेल्या 24 तासांत महाराष्ट्रात कोरोनाचे 2553 नवीन रुग्ण समोर आले. यासह राज्यात आता एकूण 88 हजार 528 रुग्ण आहेत. तर, 109 जणांचा मृत्यू झाला आहे. यासह मृतांची संख्या 3,169 झाली आहे. तर, मुंबईत 50 हजार 085 नवीन रुग्ण आहेत. तर, आतापर्यंत 1709 लोकांचा मृत्यू झाला आहे. याचबरोबर 1661 रुग्ण निरोगी होऊन घरीही परतले आहे. यासह महाराष्ट्रातील निरोगी रुग्णांचा आकडा हा 40 हजार 975 झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.