पुणे : बहुजन घटकांतील विद्यार्थ्यांना शैक्षणिक व व्यावसायिक संधी उपलब्ध करून देण्यासाठी असलेल्या ‘महाज्योती’ व इतर मागासवर्गीय वित्त आणि विकास महामंडळाला निधी वाटप करताना अर्थमंत्री अजित पवार दुजाभाव करत आहेत. ओबीसींच्या तुलनेत कमी असलेल्या मराठा व कुणबी विद्यार्थ्यांसाठी असलेल्या ‘सारथी’ व ‘अण्णासाहेब पाटील आर्थिक विकास महामंडळ’ यांना मात्र भरभरून निधी दिला जात आहे. येत्या काळात ‘महाज्योती’ व ‘मागासवर्गीय वित्त मंडळा’ला दीड हजार कोटी रुपये न दिल्यास आंदोलन करण्याचा इशारा ओबीसी नेते लक्ष्मण हाके व मंगेश ससाणे यांनी बुधवारी पत्रकार परिषदेत दिला.