Pune News : पुण्यात अतिक्रमण विभागाच्या अधिकाऱ्याला अन् कर्मचाऱ्याला मारहाण!

पुण्यातील ढोले पाटील रोडवर अतिक्रमण विभागाच्या अधिकाऱ्याला आणि कर्मचाऱ्याला मारहाण करण्यात आल्याचा प्रकार घडला आहे. अनाधिकृत फेरीवाल्यांवर कारवाई करत असताना ही मारहाण करण्यात आली.

या मारहाणीत अतिक्रमण निरीक्षक आणि सुरक्षा कर्मचारी जखमी झाले आहेत. पुण्यातील ढोले पाटील रोडवर ही घटना घडली आहे. यावेळी लोक मोठ्या प्रमाणात जमले होते. (Pune Crime News)

क्षेत्रीय कार्यालयांच्या अंतर्गत अतिक्रमण काढण्यासाठी गेलेल्या कर्मचाऱ्याला मारहाण करण्यात आली. अनाधिकृत फेरीवाल्यांवर पुण्यात कारवाई सुरू आहे. ढोले रोडवरील कारवाई दरम्यान जमावाने कर्मचाऱ्याला मारहाण झाली.

पुण्यात अतिक्रमण विभागाची जोरदार कारवाई सुरू आहे. ढोले रोडवर कर्मचारी कारवाई करत होते. यावेळी फेरीवाले, छोटी दुकानवाले सुरक्षारक्षकावर धावून गेली. यावेळी धक्काबुक्की झाली. त्यानंतर मारहाण झाली. याप्रकरणी तक्रार दाखल करण्यात आली आहे.