गराडे : सोनारी (ता. पुरंदर) येथे कोरोनाबाधित रुग्णांची संख्या दिवसेंदिवस वाढत असताना 15 जुलै रोजी रात्री एका वृध्दाचा मृत्यू झाला. यामुळे गावात तणावाचे वातावरण निर्माण झाले आहे. तसे गावात 12 जुलैपासून गाव १० दिवसांसाठी बंद ठेवण्यात आले आहे. गावातील पॉझिटिव्ह रुग्णांची संख्या यापूर्वी 10 होती. पण १२ जुलै रोजी त्यात ४ रुग्णांची भर पडली. त्यानंतर यात सातत्याने वाढ होताना दिसत असून, आज ही संख्या १८ वर गेली आहे. यात एकाचा मृत्यू झाल्याची माहिती ग्रामसेविका ज्योती काळभोर यांनी दिली.
या कुटुंबातील सून व नातू पॉझिटिव्ह आले होते. त्यानंतर आजोबा कोरोनाबाधित झाले आणि यात त्यांचा मृत्यू झाला. खरे तर गावात दररोज सर्वेक्षण चालू असतानाही लोक माहिती लपवत आहेत. त्यामुळे प्रशासनाला काम करण्यास अडचणी येत असून, लोकांनी प्रशासनाला सहकार्य करावे, असे आव्हान माजी सरपंच सतीश शिंदे यांनी केले आहे. तहसीलदार रुपाली सरनोबत यांनी गावाला भेट देऊन गाव कडक बंद ठेवण्याचे आदेश दिले.
पुण्याच्या बातम्या वाचण्यासाठी येथे ► क्लिक करा
प्रतिबंधात्मक उपाय म्हणून गावाकडे येणारे रस्ते वाहतुकीसाठी बंद करण्यात आले आहेत. तर सासवड-सोनोरी या रस्त्यावर चेक पोस्ट ठेवण्यात येऊन या ठिकाणी येणाऱ्या-जाणाऱ्यांवर नियंत्रण ठेवले जात आहे.
पुण्याच्या बातम्या वाचण्यासाठी येथे ► क्लिक करा
गावात दोन दिवसाआड औषध फवारणी केली जात असून, आयुर्वेदिक गोळ्यांचे वाटप गावात केले आहे. तसेच मास्क न वापरता गावात फिरणार्‍या लोकांवर ५०० रुपये दंडाची कारवाई करण्यात येत आहे. तसेच जे लोक क्वारंटाईन आहेत त्यांनी कोणत्याही परिस्थितीत घराबाहेर पडायचे नाही, असे सरपंच कविता काळे, उपसरपंच नितीन काळे, माजी सरपंच सतीश शिंदे व सदस्यांनी सांगितले.
(Edited By : Krupadan Awale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.