डॉक्टर, नर्स व कर्मचाऱ्यांना एक कोटी रुपयांचे विमा कवच; कोठे ते वाचा

PCMC
PCMC

पिंपरी - 'कोरोना'च्या प्रतिबंधासाठी नेमणूक केलेल्या कर्मचा-यांना एक कोटी रुपयांचे विमा सुरक्षा कवच लागू करणेचा निर्णय महापालिकेने घेतला आहे.

कोरोना विषाणूचा प्रादुर्भाव रोखण्यासाठी महापालिकेच्या वैद्यकीय, आरोग्य, तसेच इतर विभागातील कर्मचा-यांच्या नेमणुका केलेल्या आहेत. आपल्या जीवाची पर्वा न करता ते कोरोना प्रतिबंधात्मक उपाययोजनांसाठी दिवसरात्र काम करीत आहेत. त्यांचा कोरोनाचा संसर्ग झालेल्या व संशयित रुग्णाशी थेट संपर्क येत असतो. त्याचप्रमाणे सर्व्हेसाठी नेमणूक केलेल्या कर्मचा-यांचाही थेट संपर्क येवू शकतो. त्यामुळे त्यांना योग्य सुरक्षा कवच व प्रशासनाचा आधार असणे अत्यंत आवश्यक आहे.

यासाठी त्यांना महापालिकेमार्फत सुरक्षा कवच म्हणून दुर्घटने पश्चात एक कोटी रक्कम देणे व त्यांचे वारसास महापालिका सेवेत नोकरी देणे अशा प्रकारची योजना तातडीने लागू करण्याचा निर्णय घेण्यात आला आहे. याबाबत सर्वपक्षीय गटनेत्यांशी चर्चा करून त्यास संमती मिळाली आहे, अशी माहिती महापौर उषा ढोरे व  सभागृह नेते नामदेव ढाके यांनी दिली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com