पुणे - ‘मातंग समाजाला वितरित केलेली २०१९ पर्यंतची थकीत कर्जे माफ करावीत; तसेच एक लाखापर्यंतच थेट कर्ज योजना लागू करावी,’’ अशी मागणी लोकशाहीर अण्णा भाऊ साठे विकास महामंडळाचे अध्यक्ष अमित गोरखे यांनी शुक्रवारी पत्रकार परिषदेत केली.
महात्मा फुले मागासवर्ग विकास महामंडळामध्ये एक लाख रुपयांपर्यंत थेट कर्ज देण्याची योजना आहे. त्याच धर्तीवर ही योजना लोकशाहीर अण्णा भाऊ साठे महामंडळातही लागू करावी, असे त्यांनी सांगितले.
गोरखे म्हणाले की, महामंडळाचा कार्यभार स्वीकारल्यानंतर अण्णा भाऊ साठे यांचे टपाल तिकीट प्रकाशित करण्यात आले. मातंग समाजातील शंभर विद्यार्थ्यांची एमपीएससी आणि यूपीएससी पूर्वपरीक्षेसाठी निवड करून मोफत प्रशिक्षण देण्यात येत आहे. तसेच कौशल्य विकास कार्यक्रम राज्यभर राबविण्यात येत आहे. त्यासाठी दहा कोटींचा निधी मान्य झाला. या योजनेअंतर्गत दोनशे संस्थांची ऑनलाइन नोंदणी झाली.
ते म्हणाले, विद्यार्थ्यांना रोजगाराभिमुख प्रशिक्षण देण्याची कार्यवाही सुरू आहे. या आर्थिक वर्षात अनुदान योजनेतून ५८९ कर्ज प्रकरणे आणि बीजभांडवल योजनेतून १४७ कर्ज प्रकरणांस मंजुरी दिली. अनुदान व बीजभांडवल योजनेअंतर्गत एक कोटी ४५ लाखांचा निधी वितरित केला.
अण्णा भाऊंच्या जन्मशताब्दी वर्षानिमित्त जागतिक साहित्य संमेलन होणार आहे. राज्यभर उद्योग वाढीसाठी प्रयत्न सुरू आहेत. महामंडळाच्या मुंबईतील रिकाम्या जागेवर इमारत बांधण्यासाठी निधी मंजूर करून घेतला आहे, अशी माहिती गोरखे यांनी दिली. अवैध भरती प्रक्रियेतील सर्व प्रकरणे अंतिम टप्प्यात आणली आहेत. महामंडळाच्या अधिकारी-कर्मचाऱ्यांना सातवा वेतन आयोग लागू करावा, अशी मागणी त्यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.