मंचर - केंद्र सरकारने २२ मार्च २०२५ रोजी कांद्यावरील २० टक्के निर्यात शुल्क रद्द करण्याचा निर्णय घेतला. हा निर्णय ता. १ एप्रिल २०२५ पासून लागू झाला आहे. मात्र या निर्णयाची अंमलबजावणी अद्याप झालेली नाही. त्यामुळे शेतकऱ्यांमध्ये संभ्रम आहे.
निर्यात शुल्क रद्द केल्यामुळे कांद्याच्या दरात सुधारणा होण्याची अपेक्षा आहे. परंतु अंमलबजावणीतील विलंबामुळे अद्याप दरात वाढ झालेली दिसत नाही. त्यामुळे कांदा उत्पादक शेतकऱ्यात नाराजी आहे.
'मंचर (ता.आंबेगाव) कृषी उत्पन्न बाजार समितीच्या आवारात गुरुवारी (ता.३) सात हजार कांदा पिशव्यांची आवक झाली. दहा किलो गोळा कांद्याला १६० रुपये ते १७० रुपये बाजारभाव मिळाला. गेल्या १५ दिवसाच्या तुलनेत कांद्याचे बाजारभाव अजून स्थिर आहेत.' अशी माहिती आंबेगाव तालुका कृषी उत्पन्न बाजार समितीचे सभापती निलेश थोरात यांनी दिली.
आंबेगाव व शिरूर तालुक्यात सरहद्दीवरील गावे व खेड तालुक्यातील काही गावांमध्ये सध्या शेतकऱ्यांची कांदा काढणीची लगबग सुरू आहे. ढगाळ वातावरण निर्माण झाल्याने व पाऊस पडण्याची शक्यता निर्माण झाली आहे. ज्या शेतकऱ्यांकडे कांदा बारखी नाही. त्यांनी कांद्याचे नुकसान होऊ नये म्हणून मंचर बाजार समितीच्या आवारात विक्रीसाठी कांदा पिशव्या आणण्यास सुरुवात केली आहे.
याबाबत कांद्याचे अडते व मंचर बाजार समितीचे माजी संचालक बाळासाहेब रंगनाथ बाणखेले म्हणाले, “केंद्र सरकारने कांद्यावरील २० टक्के निर्यात शुल्क रद्द करण्याची व ता.१ एप्रिल पासून अंमलबजावणी करण्याची घोषणा केली.
त्यामुळे शेतकऱ्यांना दिलासा मिळाला होता. पण अजुन कांद्याच्या बाजारभावात वाढ झाली नाही. निर्यात करणाऱ्या कांदा व्यापारांकडून अजून मागणी आलेली नाही. त्यामुळे कांदा उत्पादक शेतकऱ्यांमध्ये संभ्रम निर्माण झाला आहे.'
दृष्टीक्षेपात -
दहा किलो कांद्याचे बाजारभाव पुढीलप्रमाणे : सुपर लॉट एक नंबर गोळा कांदा १६० रुपये ते १७० रुपये, सुपर कांदे १५० रुपये ते १६० रुपये, सुपर मीडियम कांदे १२५ ते १4० रुपये, गोल्टी कांदा ९० ते १२० रुपये, बदला/चींगळी कांदा ५० रुपये ते ११० रुपये.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.