ॲानलाइन शूज खरेदी पडली दोन लाखांना

ॲानलाइन शूज खरेदी करने एका महिलेला चांगलेच महागात पडले आहे. शूज खरेदी करणाऱ्या महिलेने एका ॲपरून शूज खरेदी केले.
Cyber Crime
Cyber CrimeSakal media

पुणे - ॲानलाइन शूज खरेदी करने एका महिलेला चांगलेच महागात पडले आहे. शूज खरेदी करणाऱ्या महिलेने एका ॲपरून शूज खरेदी केले. त्याचा कन्पर्मेशन कोड न आल्याने ॲपच्या ग्राहक तक्रार निवारण केंद्रावर संपर्क केला. त्यावेळी सायबर चोरट्याने महिलेच्या बँक खात्याची गोपनीय माहिती चोरून व ओटीपीच्या आधारे त्यांच्या खात्यातून एक लाख ८१ हजार रुपयांची रोकड लांबविल्याची घटना उघडकीस आली.

याबाबत २३ वर्षीय महिलेने कोंढवा पोलिस ठाण्यात फिर्याद दिली आहे. तक्रारदार महिला कोंढव्यातील एनआयबीएम रस्ता परिसरात राहतात. त्यांनी सात जुलै रोजी एका ॲानलाइन खरेदी ॲपव्दारे शूज खरेदी करण्यासाठी प्रयत्न केला. मात्र, त्यांना शूज खरेदीबाबतचा कन्पर्मेशन कोड ॲपवरून मिळाला नाही. त्यामुळे त्यांनी संबंधित ॲपच्या ग्राहक तक्रार निवारण केंद्रात संपर्क साधला.

ग्राहक तक्रार निवारण केंद्रातील संपर्क क्रमांक बदलून चोरट्याने त्याचा मोबाईल क्रमांक तेथे टाकला होता. महिलेने संबंधित मोबाईल क्रमांकावर संपर्क साधला. तेव्हा चोरट्याने महिलेकडील बँकेची गोपनीय माहिती घेतली. त्यानंतर चोरट्याने गोपनीय माहितीचा गैरवापर करून त्यांना एक ओटीपी पाठवला. तो ओटीपी फिर्यादी यांनी पाठविल्यानंतर त्यांच्या खात्यातून पैसे लांबविण्यात आले. पोलिस उपनिरीक्षक समाधान मचाले या गुन्ह्याचा तपास करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com