पुणे - मुळा-मुठा नदी शुद्धीकरणासाठी सुरू असलेल्या ‘जायका’ प्रकल्पात सांडपाणी प्रक्रिया प्रकल्पांचे काम वेगाने सुरु आहे. आत्तापर्यंत सुमारे ८५ टक्के काम पूर्ण झाले आहे असा दावा प्रशासन करत आहे..पण दुसरीकडे सांडपाणी वाहून नेण्यासाठी आवश्यक असलेल्या ४९ किलोमीटरच्या सांडपाणी वाहिन्यांपैकी केवळ ९ किलोमीटर लांबीच्या सांडपाणी वाहिनीचे कामच पूर्ण झाले आहे. प्रकल्पाची मुदत संपत आलेली असताना ठेकेदाराकडून संथ गतीने काम केले जात असल्याने प्रशासनाने लवकर काम पूर्ण करा अन्यथा बिले मंजूर होणार नाहीत अशा शब्दात कान टोचले आहेत..जायका प्रकल्पाअंतर्गत १४७१ कोटी रुपयांमध्ये ३१६ एमएलडी क्षमतेचे एकूण ११ सांडपाणी प्रक्रिया प्रकल्प उभारण्यात येत आहेत. यातील वडगाव, वारजे, खराडी, हडपसर आणि मुंढवा येथील दहा प्रकल्पांची ८०-८५ टक्क्यांहून अधिक प्रगती झाली आहे. हे प्रकल्प डिसेंबर २०२५ पर्यंत कार्यान्वित करण्याचे आणि उर्वरित मार्च २०२६ पर्यंत पूर्ण करण्याचे नियोजन आहे..तथापि, सांडपाणी नदीत जाण्याऐवजी थेट प्रक्रिया प्रकल्पांपर्यंत पोहोचवण्यासाठी आवश्यक असलेल्या ४९ किमी लांबीच्या वाहिन्यांच्या कामात फारशी प्रगती झालेली नाही. ठेकेदारांनी प्रथम प्रकल्पांचे काम प्राधान्याने घेतल्यामुळे ट्रंक लाइनचे काम बाजूला पडले.या संदर्भात केंद्र सरकार आणि जायकाच्या अधिकाऱ्यांनी पुणे महापालिकेच्या बैठकीत नाराजी व्यक्त केली होती. या पार्श्वभूमीवर महापालिकेने कडक पावले उचलत पुढील एक महिन्यात २० किलोमीटरचे काम पूर्ण करण्याचे आदेश ठेकेदाराला दिले आहेत..स्वतंत्र कक्ष असूनही संथ गतीरखडलेल्या कामावर नियंत्रण ठेवण्यासाठी महापालिकेने १९ ठिकाणी काम करणाऱ्या प्रत्येक भागासाठी स्वतंत्र अभियंता नेमले आहेत. याशिवाय ठेकेदाराकडूनही स्वतंत्र अभियंत्यांची नियुक्ती करण्यात आली आहे..दररोजच्या कामाचा तपशीलवार अहवाल सादर करणे अनिवार्य करण्यात आले आहे. या कामावर केंद्र शासनाचेही लक्ष आहे, महापालिकेने ही या प्रकल्पासाठी स्वतंत्र कक्ष स्थापन केलेला आहे. त्यांच्याकडून कामाचा आढावा घेतला जातो. तरीही हे सांडपाणी वाहिनी टाकण्याचे काम संथ गतीने सुरु आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
