कोरोनामुळे आज शहरात फक्त एका रुग्णाचा मृत्यू

पुणे ः पुणे शहरात आज (ता.२२) दिवसभरात १७० नवे कोरोना रुग्ण आढळून आले आहेत. याउलट १९२ जण कोरोनामुक्त झाले आहेत. आज अवघ्या एका कोरोना रुग्णाचा मृत्यू झाला आहे. यामुळे पुणेकरांना दिलासा मिळाला आहे.

आज जिल्ह्यात एकूण ७७९ नवे रुग्ण आढळून आले असून ७९० जण कोरोनामुक्त झाले आहेत. जिल्ह्यात दिवसभरात सहा रुग्णांचा मृत्यू झाला आहे. जिल्ह्यातील दिवसभरातील एकूण कोरोना रुग्णांमध्ये शहरातील १७० रुग्णांशिवाय पिंपरी चिंचवडमधील १६८, जिल्हा परिषद कार्यक्षेत्रातील ३६०,नगरपालिका हद्दीतील ७५ आणि कॅंटोन्मेंट बोर्ड क्षेत्रातील ६ रुग्णांचा समावेश आहे.

कोरोनामुक्त झालेल्यांमध्ये शहरातील १९२ जणांसह पिंपरी चिंचवडमधील १२७, जिल्हा परिषद कार्यक्षेत्रातील ३९२, नगरपालिका क्षेत्रातील ७० आणि कॅंटोन्मेंट बोर्ड क्षेत्रातील ९ जण आहेत.