पुण्यात आज १५ ठिकाणी फक्त कोव्हॅक्सिनचा दुसरा डोस

पुणे : महापालिकेकडे उपलब्ध असलेल्या लसीमधून आज (ता. ३१) शहरात १५ ठिकाणी फक्त कोव्हॅक्सिनच्या दुसऱ्या डोससाठी लसीकरण केले जाणार आहे. ३ मेपूर्वी पहिला डोस घेतलेले नागरिक यासाठी पात्र असतील, अशी माहिती पुणेे महापालिका प्रशासनाने दिले आहे.(Only second dose of covaxin in 15 places in Pune today)

पुणे महापालिकेकडे सरकारकडून आलेले कोव्हिशील्डचे पाच हजार डोस संपले आहेत, नव्याने लस पुरवठा झालेला नसल्याने सोमवारी कोव्हिशील्डचे केंद्र बंद असणार आहेत. केवळ १५ ठिकाणी कोव्हॅक्सिनचे लसीकरण केले जाणार आहे. प्रत्येक केंद्रावर १०० लसीचे डोस उपलब्ध आहेत. दरम्यान, रविवारी दिवसभरात महापालिका व खासगी दवाखान्यात मिळून १५ हजार ६३४ जणांचे लसीकरण झाले आहे. त्यामध्ये खासगीमध्ये १८ ते ४४ वयोगटातील १० हजार ८८८ जणांनी लसीचा पहिला डोस घेतला आहे.