जुन्नर (पुणे) : येथील श्री विघ्नहर सहकारी साखर कारखान्याच्या तज्ज्ञ संचालकपदी वडगाव कांदळी (ता. जुन्नर) येथील ऊस उत्पादक शरद धर्माजी फुलसुंदर आणि पारगावतर्फे आळे (ता. जुन्नर) येथील बाळू जगन्नाथ डुकरे यांची आज (ता. ५) नियुक्ती करण्यात आली असल्याची माहिती अध्यक्ष सत्यशील शेरकर यांनी दिली.
शेरकर यांनी सांगितल की, लॉकडाउन जाहीर झाले तेव्हा कारखान्याकडे गाळपासाठी सुमारे एक लाख २५ हजार मेट्रिक टन ऊस शिल्लक होता. व्यवस्थापनाने ऊस उत्पादक शेतकर्‍यांच्या संपूर्ण ऊसाचे गाळप केले.
श्री विघ्नहर कारखान्याने ऊस तोडणी कामगारांना सुमारे ३५ लाख रुपयांच्या किराणा कीटचे मोफत वाटप केल आहे. कारखान्याने डिस्टीलरी प्रकल्पातून हॅण्ड सॅनिटायझरचे उत्पादन घेतले असून, शासनाच्या सर्व विभागांना सॅनिटायझरचे मोफत वाटप केले आहे. तसेच, कारखान्याच्या कमगारांनी एक दिवसाच्या पगाराची रक्कम सुमारे ७ लाख २५ हजार रुपये मुख्यमंत्री सहाय्यता निधीला मदत म्हणून दिली आहे.
कारखान्याने यंदाच्या गळीत हंगामामध्ये ८ लाख ३३ हजार ७० मेट्रिक टन उसाचे गाळप केले असून, नऊ लाख ५८ हजार ८०० क्विंटल साखर पोत्यांचे उत्पादन घेतले आहे. साखर उतारा ११.५० टक्के आहे. डिस्टीलरीमधून 24 लाख ३८ हजार ४६२ लिटर अल्कोहोलची,तर 16 लाख ६६ हजार लिटर इथेनॉलची निर्मीती झाली आहे. सहवीजनिर्मीती प्रकल्पातून ३ कोटी ४७ लाख ८० हजार युनिट वीज निर्यात केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.