आंबेठाण - चाकण एमआयडीसी भागात रात्रीच्या वेळी मोठ्या प्रमाणात गौण खनिजांची वाहतूक होत आहे. मंजूर क्षमतेपेक्षा अधिकची वाहतूक होत असल्याने जास्तीचा माल रस्त्यावर पडून अपघात होत आहे..मोठमोठे दगड रस्त्यावर पडत असल्याने रस्ते खराब तर होतातच. परंतु दुचाकी आणि चारचाकी गाड्यांच्या अपघाताचे प्रमाण वाढत आहे. त्यामुळे अशी जीवघेणी वाहतूक करणाऱ्या वाहनचालकांवर कारवाई करावी अशी मागणी जोर धरत आहे. एमआयडीसी भागात होणारे बरेच अपघात हे अवजड वाहने आणि हायवा सारख्या ओव्हरलोड वाहतूक करणाऱ्या वाहनांमुळे होत आहेत..चाकण औद्योगिक क्षेत्रासह परिसरात कारखाने उभारणीची कामे, जमीन भराव आणि रस्त्याची कामे सुरू असल्याने डबर,मुरूम,मातीला मोठी मागणी आहे. मुरूम माती उपसा करण्यासाठी महसूल विभागाकडून गौण खनिज रॉयल्टी काढावी लागते..परंतु अनेक जण किरकोळ ब्रास मालाची रॉयल्टी काढून त्याबदल्यात हजारो ब्रास मुरूम, मातीचा उपसा करतात.यासाठी डोंगर, टेकड्यांची लचकेतोड होत आहे. लाखो रुपयांच्या गौण खनिजांची चोरी होत असताना देखील महसूल विभाग गप्प का आहे? याचे कारण मात्र गुलदस्त्यात आहे..औद्योगिक क्षेत्रात मुरूम वाहतुक रात्रीच्या वेळी मोठ्या प्रमाणात सुरू आहे. हायवा सारख्या वाहनांमधून मंजूर क्षमतेपेक्षा जास्त मुरूम भरून वाहतूक केली जात आहे. त्यामुळे औद्योगिक क्षेत्रातील अनेक भागातील रस्त्यांवर खड्डे पडले आहेत. अश्या खड्ड्यांतून वाहने जाताना ओव्हर लोड भरलेला मुरूम रस्तावर पडत आहे. त्यामुळे वाहतुकीला अडथळा निर्माण होत असून वाहने घसरून अपघात होत आहे..रात्रीच्या वेळी रस्त्यावर पडलेला माल दुचाकी व चारचाकी वाहनचालकांना दिसत नसल्याने अपघात होत आहे. यात काहींना आपला जीव गमवावा लागला आहे. अशाप्रकारे बेकायदा गौण खनिजांची ओव्हर लोड वाहतूक करणाऱ्या वाहनांवर कारवाई कोण करणार? असा प्रश्न उपस्थित होत आहे..बऱ्याच वेळा गतिरोधकवरून गाडी आपटल्याने माल खाली पडतो. तर काही वेळा कुणाला गाडीत माल सापडू नये म्हणून रस्त्यावरच गौणखनिजांचा माल टाकला जातो. त्यामुळे वाहतुकीला अडथळा निर्माण होतो..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
