सातारारोड विद्यार्थ्यांना व्यवहार ज्ञानाचे धडे
पाडळी स्टेशनला विद्यार्थ्यांना
व्यवहारज्ञानाचे धडे
सातारारोड, ता. १७ : पाडळी स्टेशन येथील प्राथमिक शाळेच्या आवारात विद्यार्थ्यांनी भरवलेल्या आनंदी बाजारात गृहिणी व ग्रामस्थांनी ग्राहक म्हणून विविध पालेभाज्या, फळभाज्या व अन्य वस्तूंची खरेदी करून विक्रेते म्हणून या बाजारात बसलेल्या विद्यार्थ्यांना व्यवहारज्ञानाचे धडे देण्याच्या शिक्षकांच्या प्रयत्नांना हातभार लावला.
पाडळी गावामध्ये प्राथमिक शाळेच्या आवारात आनंदी बाजार भरवला होता. विद्यार्थ्यांचे व्यवहारज्ञान वाढवणे, त्याचबरोबर त्यांच्यामध्ये संवाद साधण्याची कला निर्माण करणे, हा या उपक्रमाचा उद्देश होता. काल सकाळी शालेय पालक समितीचे अध्यक्ष नंदकुमार फाळके यांच्या हस्ते या आनंदी बाजाराचे उद्घाटन झाले. या वेळी श्री जरंडेश्वर ज्येष्ठ नागरिक संघाचे अध्यक्ष हणमंतराव फाळके, आनंदराव गायकवाड, आनंदराव फाळके, माजी सरपंच वसंतराव फाळके, सदाशिव फाळके, रमेश फाळके, गणपतराव फाळके, उदयसिंह फाळके, मंगेश फाळके, प्रतीक फाळके, सागर फाळके, ज्ञानेश्वर चव्हाण, शिक्षिका विजया मोहिते, उषा फाळके, मंगल बाबर, दीपाली फाळके, मनीषा जाधव, रजनी मोरे, स्वाती घाडगे आदींसह पालक, ग्रामस्थ उपस्थित होते. या बाजारामध्ये अंगणवाडीपासून चौथीपर्यंतच्या विद्यार्थ्यांनी विक्रेते म्हणून सहभाग घेतला होता. त्यांनी बाजारात विविध प्रकारच्या पालेभाज्या, फळभाज्या भाज्या तसेच अन्य वस्तू विक्रीसाठी आणल्या होत्या. विद्यार्थ्यांनी विविध खाद्यपदार्थांचे स्टॉल देखील लावले होते.
छायाचित्र ओळी
26B04622
पाडळी स्टेशन : गावातील प्राथमिक शाळेच्या आवारात विद्यार्थ्यांनी भरवलेला आनंदी बाजार.
----
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.