शासकीय चित्रकला परीक्षेत पळसनाथ विद्यालयाचे यश

पळसदेव, ता. १७ : शासनाच्या कला संचालनालयातर्फे घेण्यात आलेल्या शासकीय रेखाकला एलिमेंटरी व इंटरमिजिएट चित्रकला ग्रेड परीक्षेत पळसदेव (ता. इंदापूर) येथील पळसनाथ विद्यालयाने शंभर टक्के निकालाची परंपरा कायम ठेवली.
सप्टेंबर २०२५ मध्ये घेण्यात आलेल्या एलिमेंटरी ग्रेड परीक्षेत प्रविष्ट २० विद्यार्थ्यांपैकी ब श्रेणी मध्ये ०२ तर क श्रेणी मध्ये १८ विद्यार्थी उत्तीर्ण झाले. तर इंटरमिजिएट ग्रेड चित्रकला परीक्षेत प्रविष्ट झालेल्या ३० विद्यार्थ्यांपैकी १२ विद्यार्थ्यांना ब श्रेणी, तर १८ विद्यार्थ्यांना क श्रेणी प्राप्त करून उत्तीर्ण झाले. या दोन्ही परीक्षा उत्तीर्ण असणाऱ्या विद्यार्थ्यांना दहावी बोर्डाच्या गुणांमध्ये वाढीव गुण दिले जातात.
दरम्यान पळसनाथ शिक्षण प्रसारक मंडळाचे अध्यक्ष भूषण काळे, सचिव योगीराज काळे, प्राचार्य विकास पाठक, पर्यवेक्षक संजय जाधव आदींनी सहभागी यशस्वी विद्यार्थी आणि मार्गदर्शक कलाशिक्षिका उज्ज्वला वाघमारे, प्रतिभा कांबळे यांचे अभिनंदन केले आहे.