Pune News : पथारी व्यावसायिकांनो थकबाकी भरा, अन्यथा परवाने रद्द

पुणे - पुणे शहरातील अतिक्रमणाचा मुद्दा गंभीर झालेला असताना दुसरीकडे अधिकृत पथारी व्यावसायिकांकडूनही महापालिकेला शुल्क भरण्यास टाळाटाळ केली जात आहे. त्यामुळे आता प्रशासनाने थकबाकी वसुलीची मोहीम सुरु केली आहे. जर ३१ मार्चपर्यंत थकबाकी भरली नाही तर परवानाधारकाला व त्याच्या कुटुंबीयांना काळ्या यादीत टाकले जाणार आहे..आत्तापर्यंत १२ हजार १५५ परवानाधारकांपैकी केवळ ३ हजार ८४० जणांनी पैसे भरले आहेत. अद्याप ६४ कोटी ५१ लाख ९७ हजार रुपयांची थकबाकी पथारी व्यावसायिकांकडे आहे. पैसे भर अन्यथा परवाना रद्द असे आदेश दिल्याने पथारी व्यावसायिकांचे धाबे दणाणले आहेत.केंद्र सरकारने २०१४ मध्ये फेरीवाला धोरण जाहीर केले. त्यानुसार रस्त्यावर विविध प्रकारचे व्यवसाय करणाऱ्या कष्टकऱ्यांना अधिकृतपणे व्यवसाय करण्याचा परवाना दिला गेला. यामध्ये प्रत्येकाचे बायोमॅट्रीक सर्वेक्षण करण्यात आले त्यांना अ, ब, क,ड, इ या या श्रेणीनुसार परवाना देण्यात आले. महापालिकेने केलेल्या सर्वेक्षणात २३ हजार १६६ जणांची नोंदणी करण्यात आली..त्यापैकी १२ हजार १५५ जणांचे शहरातील १५ क्षेत्रीय कार्यालयांच्या हद्दीतील ५२५ झोनमध्ये पुनर्वसन करण्यात आले. तर उर्वरित परवानाधारक कोठेच व्यवसाय करत नसल्याचे निदर्शनास आल्याने त्यांचे परवाने रद्द केले आहेत.महापालिकेने कोरोना काळात पथारी व्यावसायिकांचे व्यवसाय बंद असल्याने त्यांच्या रोजीरोटीचा प्रश्न निर्माण झाला होता. त्यामुळे स्थायी समितीने या काळातील सुमारे १२ कोटी रुपये शुल्क माफ केले होते. पण त्यानंतरही अनेक व्यावसायिकांनी नियमीत शुल्क भरणा करण्याकडे दुर्लक्ष केले आहे. त्यामुळे ही रक्कम वाढत जाऊन ६६ कोटी पर्यंत पोचली होती..वसुलीसाठी निर्वाणीचा इशारा२०१८ पासून महापालिका प्रशासनाकडून पथारी व्यावसायिकांकडून शुल्क वसुलीसाठी प्रयत्न सुरु आहेत. पण राजकीय वरदहस्त, संघटनांचा दबाव आणून पैसे भरण्याकडे टाळाटाळ केली जात आहे. त्यामुळे ही थकबाकीची रक्कम वाढत गेली आहे. महापालिकेत पथारी व्यावसायिकांचे प्रतिनिधित्व करणारी शहर पथविक्रेता समिती स्थापन केली.त्यात थकबाकी वसूल केली नाही तर कारवाई केली जाईल असा प्रस्ताव मंजूर करून घेतला आहे. पण समितीच्या सदस्यांनी हा प्रस्ताव प्रशासनाने ठेवला पण त्यावर कोणतीही चर्चा केलेली नाही अशी भूमिका घेतली आहे. महापालिका प्रशासने १ जानेवारी ते ३१ मार्च या तीन महिन्याच्या काळात थकबाकी भरण्यासाठी मुदत दिली आहे..३१ मार्चपर्यंत थकबाकी भरली नाही तर परवाने रद्द करण्याचा निर्वाणीचा इशारा देण्यात आला आहे. तसेच पुढील फेरीवाला सर्वेक्षणात परवानाधारक व त्याच्या कुटुंबीयांना सहभाग घेता येणार नाही असा नियम केल्याने त्याची झळ संपूर्ण कुटुंबाला बसणार आहे.‘परवानाधारक पथारी व्यावसायिकांनी नियमीत शुल्क भरावे यासाठी बरेच प्रयत्न केले. पण त्याला प्रतिसाद मिळालेला नाही. शहर फेरीवाला समितीमध्ये झालेल्या निर्णयानुसार थकबाकी वसुलीची मोहीम सुरु केली आहे. यात ज्यांची थकबाकी राहील त्यांचे परवाने रद्द करून त्यांना काळ्या यादीत टाकले जाणार आहे. थकबाकी भरण्यासाठी आणखी मुदत आहे, थकबाकीदारांनी पैसे भरून पुढील कारवाई टाळावी.’- सोमनाथ बनकर, उपायुक्त, अतिक्रमण निर्मूलन विभाग.‘केंद्र सरकारने २०१४ मध्ये मंजूर केलेल्या पथ विक्रेता कायद्याची पुणे महापालिकेकडून पायमल्ली होत आहे. प्रशासनाच्या धोरणामुळे हजारो विक्रेत्यांच्या उपजीविकेचा प्रश्न निर्माण झाला आहे. शहर पथ विक्रेता समितीच्या बैठकीत शुल्क वसुलीचा निर्णय झालेला नसताना हुकूमशाही पद्धतीने वसुली केली जात आहे. शुल्क न भरणाऱ्यांना काळ्या यादीत टाकण्याची धमकी दिली आहे, ही पद्धत चुकीची असल्याने या निर्णयाला स्थगिती द्यावी अशी मागणी आयुक्तांकडे केली आहे.’- दीपक मोहिते, सदस्य, शहर फेरीवाला समिती.अशी आहे स्थितीक्षेत्रीय कार्यालय - परवानाधारक - थकबाकी रक्कम रुपयांमध्येनगररोड-वडगावशेरी - ४०७ - २४,६९४,३७२येरवडा-कळस धानोरी - १,२३२ - ४,७६,९३,९४९ढोले पाटील रस्ता - १,०१६ - ३,०२३५,६४८औंध- बाणेर - ५३० - १,८३,३१,४८५शिवाजीनगर, घोले रस्ता - १,१०३ - ५५४५१३०१कोथरुड-बावधन - ५३४ - ९२७२९५३धनकवडी-आंबेगाव - ७०३ - ५२०२४५६८सिंहगड रोड - ७६७ - ६,४६,४३,००६वारजे-कर्वेनगर - ७६७ - १,८१,३१,२६४हडपसर-मुंढवा - ७६८ - ३,१७,१२,३९९वानवडी रामटेकडी - २६१ - ९९,३९,७३२कोंढवा येवलेवाडी - २३५ - १,७१,८१,००१कसबा विश्रामबाग - २,१११ - १५,९८,५०,८३६भवानी पेठ - ८६३ - ५,०८,३९,४८९बिबवेवाडी - ८५८ - ५,५१,९५,५७९,एकूण - १२,१५५ - ६४,५१,९७,५९५.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.