पुणे : रात्रीच्यावेळी रस्ता ओलांडणाऱ्या तरुणाला भरधाव टेम्पोने धडक दिल्यानंतर गंभीर जखमी झाल्याने पादचारी तरुणाचा मृत्यू झाला. ही घटना हडपसर-सासवड रस्त्यावरील वडकी नाला येथे सोमवारी (ता.५) रात्री अकरा वाजण्याच्या सुमारास घडली..सूरज केशव बापमारे (वय २१, रा. वडकी, हडपसर-सासवड रस्ता) असे मृत्यू झालेल्या तरुणाचे नाव आहे. याप्रकरणी महेश प्रकाशराव आगे (वय २९, रा. वडकी, हडपसर-सासवड रस्ता) यांनी फुरसुंगी पोलिस ठाण्यात फिर्याद दिली आहे. त्यावरुन टेम्पोचालकाविरुद्ध गुन्हा दाखल करण्यात आला आहे. पोलिसांनी दिलेल्या माहितीनुसार, फिर्यादी आगे यांच्या आत्याचा मुलगा सूरज हा सोमवारी रात्री अकरा वाजण्याच्या हडपसर-सासवड रस्त्याने पायी जात होता. .वडकी नाला परिसरात तो रस्ता ओलांडत होता, त्यावेळी भरधाव टेम्पोने सूरजला जोरात धडक दिली. या अपघातात सूरज गंभीर जखमी झाल्याने त्यास उपचारांसाठी रुग्णालयात दाखल करण्यात आले. मात्र उपचारांपूर्वीच सूरजचा मृत्यू झाला. अपघातानंतर पसार झालेल्या टेम्पोचालकाचा पोलिस शोध घेत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
