Wagholi Accident : वाघोलीत भरधाव वाहनाच्या धडकेत पादचारी महिलेचा मृत्यू

पुणे - वाघोली परिसरात भरधाव वाहनाच्या धडकेत एका पादचारी महिलेचा मृत्यू झाल्याची घटना रविवारी (ता. ६) रात्री घडली. अपघातानंतर वाहनचालक घटनास्थळावरून पसार झाला आहे. या प्रकरणी वाघोली पोलिसांनी अज्ञात चालकावर गुन्हा दाखल केला आहे..विमल विजू आहेर (वय-५४, रा. पाटील वस्ती, केसनंद, ता. हवेली) असे मृत्यूमुखी पडलेल्या महिलेचे नाव आहे. याबाबत त्यांचा मुलगा अक्षय आहेर (वय २५) यांनी वाघोली पोलिस ठाण्यात फिर्याद दिली आहे..पोलिसांनी दिलेल्या माहितीनुसार, सहा जुलै रोजी रात्री साडेआठ वाजण्याच्या सुमारास विमल आहेर या केसनंद परिसरातून पायी जात होत्या. त्यावेळी पाटील वस्तीतील समृद्धी डेअरीजवळ भरधाव वाहनाने त्यांना जोराची धडक दिली. अपघातानंतर संबंधित वाहनचालक घटनास्थळावरून पसार झाला..याबाबत माहिती मिळताच पोलिस उपनिरीक्षक भाग्यश्री थोरात घटनास्थळी दाखल झाल्या. अपघातात गंभीर जखमी झालेल्या आहेर यांना तातडीने रुग्णालयात दाखल करण्यात आले. मात्र, उपचार सुरू होण्यापूर्वीच त्यांचा मृत्यू झाला. या घटनेमुळे परिसरात हळहळ व्यक्त करण्यात येत आहे..वाघोली पोलिसांनी चालकाचा शोध सुरू केला आहे. वाघोली परिसरात वाहनचालकांच्या बेफिकीर वागणुकीमुळे निष्पाप नागरिकांचा बळी जात असल्याच्या घटना वाढत चालल्या आहेत, ही बाब चिंताजनक आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.