पिंपळनेर येथील केंद्रात सकाळ चित्रकला स्पर्धेस उत्स्फूर्त प्रतिसाद; रंग रेषाच्या दुनियेत रमले विदयार्थी

PPN26B01137
पिंपळनेर (ता. माढा) : येथे केंद्रावर चित्रकला स्पर्धेत सहभागी श्री गणेश विद्यालयाचे विद्यार्थी.
..........
श्री गणेश विद्यालय, पिंपळनेर
पिंपळनेर : येथील श्री गणेश विद्यालयात आयोजित चित्रकला स्पर्धेत विद्यार्थी चांगलेच मग्न झाले होते. कडाक्याच्या थंडीतही परिसरातील एकूण सव्वासातशे विद्यार्थ्यांनी उस्फूर्त सहभाग घेतला. प्रारंभी राजमाता जिजाऊ व क्रांतिज्योती सावित्रीबाई फुले यांच्या प्रतिमेचे पूजन मुख्याध्यापक शशिकांत शिंदे, केंद्रप्रमुख रविकिरण शिरढोणे व उपस्थित स्पर्धकांच्या हस्ते करण्यात आले. स्पर्धेसाठी पाचवी ते सातवीच्या विद्यार्थ्यांची संख्या जास्त होती. लहान ‘अ’ व ‘ब’ गटात अनुक्रमे १४७ व ८५ स्पर्धकांनी सहभाग घेतला. तर ‘क’ गटात सर्वाधिक जास्त ३११ स्पर्धक व ‘ड’ गटात १७६ स्पर्धक सहभागी झाले होते.