Pune Property Tax: पुणे महानगरपालिकेत भाजपने करमाफीचा शब्द फिरवला; ५०० चौरस फुटांपर्यंतच्या घरांना टॅक्स माफी नाही

Pune Latest News: पुणे महापालिकेच्या निवडणुकीच्या जाहीरनाम्यात भाजपने ५०० चौरस फुटांपर्यंतच्या घरांना मिळकतकर माफी केला जाईल, असे आश्‍वासन दिले होते. यापूर्वीच्या बैठकीत प्रशासनाने देखील त्याची तयारी दाखवली होती. मात्र, शुक्रवारी स्थायी समितीच्या बैठकीत प्रशासनाने नकारात्‍मक अभिप्राय देऊन करमाफीचा प्रस्ताव फेटाळून लावला आहे. विशेष म्हणजे भाजपने प्रशासनाचा अभिप्राय मान्य करून जाहीरनाम्यात दिलेल्या करमाफीच्या आश्‍वासनाचा शब्द फिरवला असल्याचेही स्पष्ट झाले आहे.