कात्रज - सहकारनगरमधील सारंग सोसायटी बसस्थानक येथे पीएमपीकडून मार्गाचे वेळापत्रक लावण्यात आले आहे. मात्र, संबंधित वेळापत्रकातील मार्ग क्रमांक २० सहकारनगर ते विश्रांतवाडी ही बससेवा दीड वर्षांपासून बंद आहे..तसेच, मार्ग क्रमांक ३७ सहकारनगर ते न.ता. वाडी आणि मार्ग क्रमांक ९७ सहकारनगर ते वारजे माळवाडी या बससेवा केवळ सकाळी व संध्याकाळी चालू आहेत. मात्र, फलकांवर त्या अनुक्रमे दर अडीच तासांनी आणि ४५ मिनीटांनी सुटत असल्याचे सांगण्यात आले आहे. या फलकात केलेले उल्लेख हे पूर्णपणे चुकीचे असल्याने नागरिकांतून नाराजी व्यक्त करण्यात येत आहे..बसस्थानकावर चुकीचे वेळापत्रक लावून पीएमपीचे अधिकारी जनतेची फसवणूक करत आहेत. यामुळे दिशाभूल होत असून नवीन माणसाला मार्ग सुरु असल्याचे भासते. तो वेळेत गाडी येईल या आशेवर राहतो. परंतु, बस येत नाही..वेळ फुकट वाया जातो आणि मनस्ताप सहन करावा लागतो, ही चक्क प्रवाशांची दिशाभूल आहे. यावर पीएमपीने तातडीने उपाययोजना करुन नागरिकांची दिशाभूल थांबवावी अशी मागणी प्रवाशी अशोक गांधी यांनी केली आहे..प्रतिक्रियाकमर्शियल वाहतूक व्यवस्थापकांकडून ही माहिती गेली आहे. मात्र, हा मार्ग कोरोना काळानंतर काही कारणांमुळे बंद करण्यात आला होता. आम्ही थोड्याच दिवसांत सुरु करणार आहोत.- सतिश गव्हाणे, मुख्य व्यवस्थापक, वाहतूक.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
