प्रसाद कानडे
पुणे : पीएमपीची वाहतूक व्यवस्था अधिक सक्षम होण्यासाठी पीएमपीमध्ये आगारांची संख्या वाढत आहे. पीएमपीने चाकण व रांजणगाव येथे नवीन आगारांचा प्रस्ताव दिला आहे, तर काही दिवसांपूर्वी मंजूर झालेल्या रावेत, आकुर्डी व मोशी या तीन नवीन आगारांच्या कामाला लवकरच सुरुवात होत आहे. यानिमित्ताने आगारांची संख्या १७ हून २२ होणार आहे. पाच नवीन आगार वाढल्याने सुमारे ७५० बसची वाहतूक वाढेल. याचा थेट फायदा सुमारे सहा ते सात लाख प्रवाशांना होणार आहे.