कात्रज - कात्रज चौकातील वाहतूक सुरळीत ठेवण्याच्या दृष्टीने भारती विद्यापीठ पोलिसांनी अलीकडील दोन दिवसांत विशेष कारवाई राबवली असून, पीएमपीच्या बेशिस्त वाहनचालकांवर मोठा दंड ठोठावण्यात आला आहे..चौकातील उड्डाणपुलाखाली आणि नवीन गुगळे प्लॉटच्या बाजूस रस्त्यावर आणि काम सुरू असलेल्या उड्डाणपुलाखाली बेशिस्तपणे उभ्या करण्यात आलेल्या पीएमपीच्या बसगाड्यांवर ही कारवाई करण्यात आली आहे.दोन दिवसात तब्बल ३६ बसगाड्यांवर अनधिकृत पार्किंगप्रकरणी कारवाई करून सुमारे ४० हजार रुपये रकमेचा दंड आकारण्यात आला. वाहनचालकांना वारंवार सूचना देऊनही नियमांचे उल्लंघन सुरूच असल्यामुळे पोलिसांनी थेट दंडात्मक कारवाईचा मार्ग अवलंबला..वाहतूक विभागाच्या अधिकाऱ्यांनी सांगितले की, कात्रज चौक परिसरात सध्या मोठी वाहतूक कोंडी होत आहे. या कोंडीला पीएमपी बसगाड्यांची बेशिस्त पार्किंग देखील कारणीभूत ठरत असून, या पार्श्वभूमीवर ही कारवाई करण्यात आली. यापुढेही जर नियमांचे उल्लंघन झाले तर अशाच प्रकारे कारवाई करण्यात येईल..प्रतिक्रियायाबाबत मला कोणत्याही वाहकाने मला कल्पना दिलेली नाही. मात्र आता मी स्पष्ट सूचना देणार आहे की, चौकात कुठेही गाडी पार्क करू नये. यापुढे नियमभंग झाल्यास संबंधित वाहकांवर थेट कारवाई करण्यात येईल.- राजेंद्र गाजरे, व्यवस्थापक, पीएमपी कात्रज डेपो.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
