पुणे - शहर परिसरात दीडशेहून अधिक घरफोड्या करणाऱ्या सराईत चोरट्याला कोंढवा पोलिसांनी गजाआड केले. सलग पाच दिवस शंभराहून अधिक सीसीटीव्ही चित्रीकरण तपासून पोलिसांनी ही कारवाई केली. आरोपीकडून तीन लाख ४० हजार रुपयांचा मुद्देमाल जप्त करण्यात आला आहे..परिमंडळ पाचचे पोलिस उपायुक्त राजकुमार शिंदे, सहाय्यक आयुक्त धन्यकुमार गोडसे, वरिष्ठ पोलिस निरीक्षक विनय पाटणकर, पोलिस निरीक्षक नवनाथ जगताप यांच्या मार्गदर्शनाखाली ही कारवाई करण्यात आली..कोंढवा परिसरात चार जून रोजी चोरट्याने बंद घराचे कुलूप तोडून घरातून २१ तोळे सोने, रोकड आणि सोसायटीतील सीसीटीव्हीचा डीव्हीआर चोरून नेला होता. या प्रकरणी कोंढवा पोलिस ठाण्यात गुन्हा दाखल करण्यात आला होता. या गुन्ह्याच्या तपासासाठी दोन विशेष पथके तयार करण्यात आली..पोलिसांनी सापळा रचून आरोपी अर्जुनसिंग रजपूतसिंग दुधानी (वय-४७, रा. मांजरीगाव, हडपसर) याला अटक केली. आरोपीच्या ताब्यातून ४० ग्रॅम सोन्याचे मंगळसूत्र, २० ग्रॅम सोनसाखळी आणि दुचाकी असा तीन लाख ४० हजार रुपयांचा मुद्देमाल जप्त करण्यात आला आहे. आरोपी अर्जुनसिंग दुधानी याच्यावर यापूर्वी दीडशेहून अधिक घरफोडीचे गुन्हे दाखल आहेत..तपास पथकातील सहाय्यक निरीक्षक राकेश जाधव, पोलिस उपनिरीक्षक बालाजी डिगोळे, पोलिस अंमलदार सतीश चव्हाण, नीलेश देसाई, विशाल मेमाणे, गोरखनाथ चिनके, लक्ष्मण होळकर, सुजित मदन, सुरज शुक्ला, संतोष बनसुडे, विकास मरगळे, राहूल थोरात, अभिजीत जाधव, सैफ पठाण यांनी कारवाईत सहभाग घेतला..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
