सोशल मिडीयावर चर्चेत असलेल्या 'त्या' डुप्लिकेट एकनाथ शिंदेंवर पुण्यात गुन्हा

पुणे : राज्याचे मुख्यमंत्री एकनाथ शिंदे यांच्यासारख्या हुबेहूब दिसणाऱ्या पुण्यातील व्यक्तीवर गुन्हा दाखल करण्यात आल्याचा प्रकार समोर आला आहे. मुख्यमंत्री शिंदे यांच्यासारख्या दिसणाऱ्या विजय माने यांच्यावर पुण्यातील बंडगार्डन पोलीस ठाण्यात गुन्हा दाखल करण्यात आला आहे.

विजय माने हे मुख्यमंत्री शिंदे यांच्यासारख्या वेशभूषेमुळेगेल्या काही दिवसांपासून सोशल मीडिया वर देखील चर्चेचा विषय ठरले होते. मात्र माने यांनी सराईत गुंड शरद मोहोळ याचसोबत फोटो काढून सोशल मीडियावर व्हायरल केले होते. या प्रकाराची पोलिसांकडून गंभीर दखल घेतली असून याप्रकरणी माने विरोधात आता गुन्हा दाखल करण्यात आला आहे. माने याच्याविरोधात IPC 419-511, 469, 500, 501 माहिती तंत्रज्ञान कायद्यान्वये गुन्हे दाखल करण्यात आले आहेत.