Pune : पोलिसानेच दिली सहकारी पोलिसाला मारण्याची सुपारी | Sakal
sakal

बोलून बातमी शोधा

Crime News

पुण्यात पोलिसाकडूनच सहकारी पोलिसाला मारण्याचा प्रयत्न करण्यात आल्याची धक्कादायक माहिती समोर आली आहे.

पुण्यात पोलिसानेच दिली सहकारी पोलिसाला मारण्याची सुपारी

पुणे - पुण्यात (Pune) पोलिसाकडूनच सहकारी पोलिसाला मारण्याचा प्रयत्न करण्यात आल्याची धक्कादायक माहिती समोर आली आहे. पोलिस रेकॉर्डवर असणाऱ्या गुन्हेगारालाच यासाठी सुपारी देण्यात आली होती. दत्तवाडी पोलिसांनी याप्रकरणी गुन्हा दाखल केला असून एकाला अटक केली आहे. याबाबत मिळालेली माहिती अशी की, पोलिस अंमलदार नितिन दुधाळ याने सहकारी पोलिसाला मारण्याची सुपारी एका गुन्हेगाराला दिली होती. याप्रकऱणात योगेश प्रल्हाद अडसुळ (Yogesh Adsul) याला अटक करण्यात आली आहे. तर पोलिस अंमलदार नितीन दुधाळ फरार झाला आहे. पोलिस उपनिरीक्षक स्वप्निल बाळासो लोहार (Swapnil Balaso Lohar) यांनी तक्रार दाखल केली आहे. नोव्हेंबर २०२१ पासून हा प्रकार घडल्याची माहिती मिळाली आहे.

पोलिस कर्मचारी नितीन दुधाळ (Nitin Dudhal) हा फरासखाना पोलिस ठाण्यात कार्यरत आहे. दत्तवाडी पोलिस ठाण्यात असणारे पोलिस कर्मचारी त्याच्या शेजारीच राहत होते. त्यांच्यात काही कारणाने वाद झाला होता. याचाच राग मनात धरून नितीन दुधाळ याने योगेश अडसूळ या रेकॉर्डवरील गुन्हेगाराला सुपारी दिली होती. अडसुळ याने दत्तवाडीतील एकाला हाताशी धरून संबंधित पोलिस कर्मचाऱ्याची सर्व माहिती काढण्यासाठीसुद्धा सांगितले होते.

हेही वाचा: सावध ऐका पुढल्या हाका!

दरम्यान, पोलिस कर्मचाऱ्याची सुपारी दिल्याची माहिती दत्तवाडी पोलिसांना समजली. पोलिसांनी याप्रकरणी गुन्हेगाराला ताब्यात घेतलं. त्याला अडसुळने १० हजार रुपये दिले असल्याचंही सांगितलं. पोलिस कर्मचाऱ्याचा पाठलाग करून त्याचा अपघात करण्याचा कट रचल्याचं सांगण्यात आलं. त्यानंतर पोलिसांनी अडसुळला अटक केली. आता सध्या नितीन दुधाळचा शोध पोलिस घेत आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :pune
loading image
go to top