चाकण - विधानसभा निवडणुकीत खेड तालुक्यात सत्ता परिवर्तन झाले आणि त्यानंतर महाविकास आघाडीचे शिवसेना ठाकरे गटाचे बाबाजी काळे आमदार झाले. गेली पंधरा वर्षे आमदार राहिलेल्या माजी आमदार दिलीप मोहिते यांचा पराभव झाला. त्यानंतर खेड तालुक्यातील सत्तेची समीकरणे बदलली.
येत्या अर्थसंकल्पीय अधिवेशनाच्या पार्श्वभूमीवर खेड तालुक्यातील महसूल विभागाच्या कार्यपद्धतीचा सविस्तर आढावा घेण्याकरिता विशेष आढावा बैठक घेण्याबाबत आमदार बाबाजी काळे यांनी पत्र उपविभागीय अधिकारी यांना दिलेले आहे. व आढावा बैठकीचे आयोजन करण्याबाबत तसेच आढावा बैठकीला महसूल विभागाशी संबंधित सर्व अधिकाऱ्यांनी व कर्मचारी यांनी उपस्थित राहावे. या बैठकीला मी उपस्थित राहणार आहे असे पत्रात म्हंटले आहे.
यावरून माजी आमदार दिलीप मोहिते यांनी टोला लगावला आहे. 'हे बेकायदेशीर आहे. आमदारांना आढावा बैठकीचे आयोजन करण्याच्या सूचना, पत्र देता येत नाहीत व तशा बैठका घेता येत नाहीत.मी कधी अशा बैठका घेतलेल्या नाहीत.' त्यामुळे आमदार बाबाजी काळे व माजी आमदार दिलीप मोहिते यांच्यात राजकीय वॉर सुरू झाले आहे.
खेड तालुक्यात महायुती व महाविकास आघाडीचे राजकीय नेते, पदाधिकारी,कार्यकर्ते यांच्यात संघर्ष सुरू आहे. चाकण येथील औद्योगिक वसाहतीत कंपन्यात अगदी ठेके मिळविण्यापासून तो संघर्ष सुरू असतो. त्याच्याही चर्चा घडत असतात. औद्योगिक वसाहतीत ज्याची सत्ता तो मलिदा खातो असे म्हटले जाते. औद्योगिक वसाहतीत विविध राजकीय नेते, पदाधिकारी गाव पुढारी, कार्यकर्ते कंपन्यातील ठेके मिळविण्यासाठी प्रयत्न करतात.
सत्तेतले काही गाव पुढारी, पदाधिकारी राजकीय नेते, कार्यकर्ते अनेक कंपन्यात ठेके मिळविण्यासाठी प्रयत्न करतात. सत्ता पलटी झाल्यानंतर दुसऱ्याची सत्ता तालुक्यात आल्यानंतर ते राजकीय नेते, पदाधिकारी, कार्यकर्ते विविध कंपन्यात फिरतात कंपन्यातील ठेके आम्हालाच पाहिजे अशी कंपनी मालक, अधिकाऱ्यांकडे मागणी करतात त्यातून जुने आणि नवीन ठेके मागणारे यांच्यात संघर्ष सुरू होतो. त्यातून वादविवाद घडत आहेत.
कुरुळी, सावरदरी येथील काही कंपन्यात ठेके मिळविण्यावरून संघर्ष सुरू झालेला आहे. अगदी काही प्रकरणे पोलिसांपर्यंतही जात आहेत हे भयानक वास्तव आहे. त्यामुळे आजी माजी आमदार यांच्यात राजकीय संघर्ष पुढे पाहण्यास मिळणार आहे असे चित्र आहे.
आमदार बाबाजी काळे यांनी महसूल विभागाचा सविस्तर आढावा घेण्याबाबत विशेष आढावा बैठक घेण्याबाबत पत्र खेडचे प्रांताधिकारी अनिल दौंडे यांना दिलेले आहे त्यामुळे बैठक होते का? हे पाहणे महत्त्वाचे ठरणार आहे. अशा बैठकीला माजी आमदार दिलीप मोहिते यांनी विरोध केल्याने व ही बैठक घेता येत नाही असे रोखठोक सांगितल्याने खेडचे प्रांताधिकारी नेमकी काय भूमिका घेतात हेही महत्त्वाचे आहे. खेडचे प्रांताधिकारी अनिल दौंडे यांच्याशी संपर्क साधला असता त्यांच्याशी संपर्क होऊ शकला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.