Pune Porsche Accident: पोर्शे गाडीच्या कॅमेऱ्यातील अपघाताचा व्हिडीओ तपासणार; कल्याणीनगर अपघात प्रकरणी अतिरिक्त पोलिस आयुक्तांची माहिती

Pune Porsche Accident: पब, बारच्या परिसरात ‘ड्रंक अँड ड्राईव्ह’ची कारवाई सुरू असल्याची माहिती देखील अतिरिक्त पोलिस आयुक्त मनोज पाटील यांनी ‘सकाळ’शी बोलताना दिली.
Pune Porsche Accident
Pune Porsche AccidentEsakal

पुणे : कल्याणीनगरमधील ‘हिट ॲंड रन’ प्रकरणातील अल्पवयीन आरोपी चालवत असलेल्या मोटारीमधील कॅमेऱ्याने टिपलेले अपघाताचे चित्रीकरण तपासण्यात येणार आहे. या चित्रीकरणाच्या आधारे पोलिसांना गुन्ह्याच्या तपासात मदत होणार आहे.

कल्याणीनगर येथे रविवारी (ता. १९) पहाटे अडीच वाजण्याच्या सुमारास भरधाव आलिशान मोटारीने दुचाकीला धडक दिली होती. या अपघातात आयटी अभियंता तरुण-तरुणीचा मृत्यू झाला होता. या प्रकरणात पोलिसांनी आत्तापर्यंत दोन्ही पब, घटनास्थळ आणि येरवडा पोलिस ठाण्यातील सीसीटीव्ही चित्रीकरण तपासासाठी ताब्यात घेतले आहे. अल्पवयीन आरोपीने मद्य सेवन केल्याचे पुरावे पोलिसांना मिळाले आहेत. आता पोलिस त्या आलिशान मोटारीतील कॅमेऱ्याचे चित्रीकरण तपासणार आहेत. याबाबत संबंधित पोलिस अधिकाऱ्यांना सूचना दिल्या आहेत, अशी माहिती अतिरिक्त पोलिस आयुक्त मनोज पाटील यांनी ‘सकाळ’शी बोलताना दिली.

Pune Porsche Accident
Pune Porsche Accident: 'मुलाने गाडी चालवायला मागितली तर दे', विशाल अग्ररवालने दिलेली सूचना; ड्रायव्हरने जबाबात दिली माहिती

‘ड्रंक अँड ड्राईव्ह’ ८५ जणांवर कारवाई

वाहतूक पोलिसांनी शहरातील हॉटेल्स, बार आणि पबच्या परिसरात मद्य सेवन करून वाहन चालविणाऱ्या वाहनचालकांवर कारवाई सुरू केली आहे. या ‘ड्रंक अँड ड्राईव्ह’च्या मोहिमेत मंगळवारी (ता. २१) एकाच दिवशी ८५ वाहनचालकांवर दंडात्मक कारवाई करण्यात आली. उपमुख्यमंत्री देवेंद्र फडणवीस यांनी पोलिस आयुक्तालयात मंगळवारी आयोजित बैठकीत ‘ड्रंक अँड ड्राईव्ह’ कारवाई करण्याच्या सूचना दिल्या होत्या.

Pune Porsche Accident
Pune Porsche Accident : पुणे कार अपघातप्रकरणी पुणे सत्र न्यायालयाचा निर्णय; विशाल अग्रवालसह तिघांना २४ मेपर्यंत पोलीस कोठडी

या पार्श्वभूमीवर वाहतूक पोलिसांनी कारवाईला सुरुवात केली आहे. मद्यपी वाहनचालकांवर गुन्हे दाखल करण्यात येणार आहेत. शिवाय, रस्त्यावर भरधाव वाहन चालविणाऱ्या आणि नियमांचे उल्लंघन करणाऱ्या चालकांवर कारवाइ करण्यात येणार असल्याचा इशारा अतिरिक्त आयुक्त मनोज पाटील यांनी दिला आहे.

पब, बारच्या परिसरात नाकाबंदी

शहरातील परमीट रूम, पब, बारच्या परिसरात मध्यरात्री नाकाबंदी करण्यात येणार आहे. विशेषत: शुक्रवार, शनिवार आणि रविवारी मध्यरात्री एक ते पहाटे तीन या कालावधीमध्ये नाकाबंदी करून मद्यपी वाहनचालकांवर कारवाई करण्यात येणार असल्याचे अतिरिक्त पोलिस आयुक्त पाटील यांनी सांगितले.

Pune Porsche Accident
Pune Porsche Accident : ...म्हणून विशाल अग्रवालला सात दिवसांची कोठडी द्या! सरकारी वकिलांची कोर्टात मागणी

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com