प्राजक्ता माळीचा जमीनीचा दिवाणी दावा लोकअदालतीत निकाली | Sakal
sakal

बोलून बातमी शोधा

Prajakta Mali

प्राजक्ता माळीचा जमीनीचा दिवाणी दावा लोकअदालतीत निकाली

पुणे - मृत्यूपत्राद्वारे आत्याला मिळालेल्या जमीनीची मालकी हक्क मिळण्याबाबत दाखल असलेले अभिनेत्री प्राजक्ता माळी दावा लोकअदालतीत तडजोडीद्वारे निकाली लावण्यात आले. आजोबांनी आत्याला मृत्यूपत्राद्वारे दिलेल्या जमिनीबाबत प्रोबेट झालेले होते. संबंधित जमीन प्राजक्ता हिने विकत घेतली आहे.

या प्रकरणात प्राजक्ता यांनी ॲड. अश्‍विनी ललीत खंडाळे यांच्यामार्फत लोकअदालतीत दावा दाखल केला होता. त्यानुसार शनिवारी झालेल्या लोकअदालतील हे प्रकरण तडजोड करून निकाली काढण्यासाठी ठेवण्यात आले. प्राजक्ता यांचे आजोबा नारायण माळी यांनी धनकवडी येथील एका जागेबाबत १२ नोव्हेंबर २००३ रोजी मृत्युपत्र तयार केले होते. त्यानुसार संबंधित जागा त्यांची मुलगी मंगला फुगे यांना देण्यात आली होती. संबंधित मृत्यूपत्राच्या प्रोबेटसाठी व मिळकतीच्या अंमलबजावणीसाठी फुगे यांनी येथील दिवाणी न्यायालयात दावा दाखल केला होता. प्रोबेट संदर्भात झालेला आदेश हा या प्रकरणातील वादी व प्रतिवादी यांनी मान्य केले होते.

संबंधित जमीन ही फुगे यांच्याकडून प्राजक्ता हिने खरेदी केली आहे. या मिळकतीबाबदल या प्रकरणातील वादी आणि प्रतिवादी यांची कोणतीही हरकत नाही. तसेच भविष्यात राहणार नाही. त्यामुळे या प्रकरणातील मिळतीबाबत कोणताही आक्षेप नसल्याने हे प्रकरण मागे घेवुन मिटवत असल्याचे तडजोड पत्र न्यायालयात दाखल करण्यात आले होते. त्यानुसार लोकअदालतील दिवाणी न्यायालयाच्या पॅनेलने हे प्रकरण निकाली काढले.

Web Title: Prajakta Mali Land Case Result Public Court

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..