Kidney Disease : जिद्दीच्या बळावर किडनीच्या आजारावर मात

उंडवडी - आयुष्यात अचानक आलेल्या गंभीर आजाराने अनेकांचे धैर्य खचते; मात्र तीव्र इच्छाशक्ती, जिद्द आणि कुटुंबीयांचा आधार मिळाला तर अशक्य वाटणाऱ्या संकटावरही मात करता येते. बारामती तालुक्यातील कारखेल येथील प्रताप रामदास भोसले यांच्या जीवनप्रवासातून याच गोष्टीचा प्रत्यय येतो..प्रताप भोसले व्यवसायाने जेसीबी यंत्राचे मालक, चालक आहेत. कष्टाने संसार उभा करणाऱ्या या तरुणाच्या आयुष्यात काही वर्षांपूर्वी मोठे संकट आले. प्रकृती बिघडू लागल्यानंतर तपासणीत त्यांच्या दोन्ही किडनी निकामी झाल्याचे स्पष्ट झाले.डॉक्टरांनी किडनी प्रत्यारोपण हा एकमेव उपाय असल्याचे सांगितले. उपचारासाठी मोठा खर्च, वारंवार दवाखान्याच्या चकरा आणि शारीरिक त्रास या सर्वांशी सामना करताना प्रताप यांनी धैर्य सोडले नाही. कुटुंबाचा पाठिंबा आणि स्वतःच्या जिद्दीच्या जोरावर त्यांनी कठीण काळावर मात केली..प्रत्यारोपण शस्त्रक्रिया यशस्वी झाल्यानंतर भोसले यांच्या आयुष्यात आशेचा किरण दिसू लागला. प्रकृतीत सुधारणा होताच त्यांनी पुन्हा कामाला सुरुवात केली. आज ते जेसीबी यंत्र चालवत आपला व्यवसाय सांभाळत असून सामान्य जीवन जगण्याचा प्रयत्न करत आहेत. जेसीबी मशिनच्या कामाच्या निमित्ताने ते अनेक शेतकऱ्यांकडे जातात. यावेळी ते सर्वांना निरोगी राहण्यासाठी आरोग्य मंत्र देतात..किडनीचे आरोग्य जपण्यासाठीपुरेसे पाणी पिण्याची सवय ठेवारक्तदाब, रक्तातील साखर नियंत्रित ठेवासंतुलित आहार व नियमित व्यायाम कराडॉक्टरांच्या सल्ल्याशिवाय औषधे घेऊ नकावेळोवेळी आरोग्य तपासणी करून घ्या .मला पाच वर्षे डायलिसिसवर राहावे लागले. आठवड्यातून तीन वेळा डायलिसिस घ्यावे लागायचे. त्यानंतर किडनी प्रत्यारोपण शस्त्रक्रिया झाली आणि मला नवजीवन मिळाले. या नव्या आयुष्यामुळे मी सकारात्मक विचार ठेवत पुन्हा उभा राहिलो. आज किडनीच्या आजाराने त्रस्त असलेल्या रुग्णांना धीर देणे आणि त्यांना सकारात्मक जीवन जगण्यासाठी प्रोत्साहन देण्याचे काम करत आहे. प्रत्यारोपणानंतर स्वतःच्या पायावर उभे राहून आता दहा वर्षे पूर्ण झाली आहेत.- प्रताप भोसले.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.