‘प्रतिभा संगम’ हे १९ वे राज्यस्तरीय साहित्य संमेलनाचे आयोजन | Sakal
sakal

बोलून बातमी शोधा

Pratibha Sangam is the 19th state level literary convention Akhil Bharatiya Vidyarthi Parishad and Rashtriya Kala Manch pune

‘प्रतिभा संगम’ हे १९ वे राज्यस्तरीय साहित्य संमेलनाचे आयोजन

पुणे : अखिल भारतीय विद्यार्थी परिषद (अभाविप) आणि राष्ट्रीय कला मंच यांच्या वतीने ‘प्रतिभा संगम’ हे १९ वे राज्यस्तरीय साहित्य संमेलन आयोजित करण्यात आले आहे. या कार्यक्रमा अंतर्गत मंगळवारी (ता. १७) ग्रंथ दिंडी आणि त्यांनतर संमेलनाचे उद्घाटन पार पडणार आहे. विद्यार्थ्यांच्या कला गुणांना वाव देण्यासाठी, त्यांच्यातील साहित्य प्रेमाला दिशा मिळावी या अनुषंगाने हे संमेलन आयोजित करण्यात येते, अशी माहिती प्रतिभा संगम स्वागत समितीचे स्वागत सचिव श्रीपाद ढेकणे यांनी शुक्रवारी पत्रकार परिषदेत दिली.

या प्रसंगी प्रतिभा संगम स्वागत समितीचे अध्यक्ष प्रदीप रावत, अभाविप पश्‍चिम महाराष्ट्र प्रदेश मंत्री अनिल ठोंबरे, पुणे महानगर मंत्री शुभंकर बाचल, आदी उपस्थित होते. हे साहित्य संमेलन मंगळवार (ता. १७) आणि बुधवारी (ता. १८) पर्वती पायथा येथील पुणे विद्यार्थी गृहाचे अभियांत्रिकी महाविद्यालयात होणार असून या स्थळाला प्रा. द. मा. मिरासदार साहित्य नगरी असे नाव देण्यात आले आहे. महाराष्ट्रभरातून विविध विद्यार्थी साहित्यिक या संमेलनात सहभागी होत आहेत. या राज्यस्तरीय साहित्य संमेलनात मुख्य उपस्थिती म्हणून अखिल भारतीय मराठी साहित्य संमेलनाच्या माजी अध्यक्षा डॉक्टर अरुणा ढेरे उपस्थित राहणार आहेत. प्रमुख वक्ते म्हणून सदानंद मोरे हे संत साहित्य आणि युवक या विषयावर विद्यार्थ्यांना मार्गदर्शन करणार आहेत. तसेच, प्रसिद्ध लेखक दिग्दर्शक दिक्पाल लांजेकर यांची मुलाखत असे या कार्यक्रमाचे स्वरूप आहे. असे यावेळी ढेकणे व बाचल यांनी सांगितले.

Web Title: Pratibha Sangam Is The 19th State Level Literary Convention Akhil Bharatiya Vidyarthi Parishad And Rashtriya Kala Manch Pune

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top