Video : पिंपरी चिंचवडमध्ये महावितरणकडून मान्सूनपूर्व तयारी

पिंपरी - दरवर्षी पावसाळ्यात पाऊस झाल्यास महावितरणची सेवा ठप्प होते. परंतु, वीज पुरवठा खंडित होऊ नये, यासाठी महावितरणने मान्सूनपूर्व कामे  हाती घेतली आहेत. यंदा लॉकडाउनमूळे एमआयडीसी परिसर बंद असल्याने विना अडथळा काम सुरु आहे.

बातम्या ऐकण्यासाठी डाऊनलोड करा ई-सकाळचे ऍप

मान्सूनपूर्व कामांमध्ये महावितरणने विद्युत खांबालगत असलेल्या झाडांच्या फांद्याची कटाई, डीपीवरील वेली काढण्याचे काम, महावितरण रोहित्रांचे अर्थिंग तपासणे, विजेचे खांबांसह काही ठिकाणी विजेच्या तारा बदलण्याची कामे सुरु केली आहेत. याशिवाय येत्या दोन आठवड्यांत तुटलेले पीन आणि डिस्क इन्सुलेटर्स बदलण्याची कामे केली जाणार आहे. ऑइल फिल्ट्रेशन, उपकेंद्रातील ब्रेकर्सची दुरुस्ती, बॅटरी चार्जिंग, फ्यूज बदलणे, भूमिगत केबल टाकणे, विजेचे खांब आणि तारांचे मजबुतीकरण, विजेचे खांब आणि तारा बदलणे किंवा झोल काढणे, जुन्या फिडर पिलरमध्ये इन्सूलेशन स्प्रे मारणे आदी कामेही पूर्ण करण्यात येत आहेत.

दरम्यान, महावितरण खराळवाडी उपविभाग अंतर्गत खराळवाडी परिसरात खराळवाडी, मोरवाडी, ऑटोक्लस्टर, पिंपरी, भाटनगर या परिसरात महावितरणकडून मान्सूनपूर्व काम पूर्ण झाले आहे.