पुणे - विमाननगरमधील एका स्पा सेंटरमध्ये अल्पवयीन मुलींकडून वेश्याव्यवसाय करून घेतला जात असल्याचा प्रकार समोर आला आहे. या प्रकरणी पोलिसांनी स्पा चालविणाऱ्या महिलेवर गुन्हा दाखल केला आहे..किरण आडे ऊर्फ अनुराधा बाबूराव आडे (वय २८, रा. खराडी) असे गुन्हा दाखल करण्यात आलेल्या महिलेचे नाव आहे. पोलिसांनी दिलेल्या माहितीनुसार, किरण आडे हिने स्पा सेंटरमध्ये मसाज करण्यासाठी काही मुलींना कामास ठेवले होते..त्यांना जादा पैशांचे आमिष दाखवून त्यांच्याकडून वेश्याव्यवसाय करून घेतला जात होता. याबाबत विमानतळ पोलिसांना माहिती मिळाली. त्यानुसार पोलिसांनी त्याठिकाणी सोमवारी (ता. ७) दुपारी तीन वाजण्याच्या सुमारास छापा टाकला..त्यावेळी एका १९ वर्षीय तरुणीसह दोन १६ वर्षीय अल्पवयीन मुली आढळून आल्या. विमानतळ पोलिसांनी स्पा सेंटर चालविणाऱ्या महिलेस ताब्यात घेतले आहे. या घटनेवरून स्पा सेंटरमध्ये अल्पवयीन मुलींचा वापर करण्यात येत असल्याचे समोर आले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
