पुणे जिल्ह्यात नव्या रुग्णांची संख्या घटली; तर कोरोनामुक्तांची संख्या वाढली!

सकाळ वृत्तसेवा
Thursday, 13 August 2020

गुरुवारी ७० कोरोना रुग्णांचा मृत्यू झाला आहे. यामध्ये पुणे शहरातील सर्वाधिक ३६ रुग्ण आहेत.

पुणे : पुणे जिल्ह्यात गुरुवारी (ता.१३) दिवसभरात २ हजार ३८८ नवे कोरोना रुग्ण आढळून आले आहेत. यामध्ये पुणे शहरातील सर्वांधिक १ हजार ९१ जणांचा समावेश आहे. दरम्यान, दिवसभरात १ हजार ७७३ कोरोनामुक्त झाले आहेत. यामुळे आतापर्यंत कोरोनामुक्त झालेल्या रुग्णांची संख्या आता ८८ हजार ५९० झाली आहे. 

पुणे शहरातील सर्वाधिक रुग्णांपाठोपाठ पिंपरी-चिंचवडमध्ये ९२२, जिल्हा परिषदेच्या कार्यक्षेत्रात २१२, नगरपालिका क्षेत्रात ७९ आणि कॅंटोन्मेंट बोर्डाच्या कार्यक्षेत्रात ८४ नवे रुग्ण सापडले आहेत.

कोरोनाच्या पार्श्वभूमीवर पुणे महापालिकेचा मोठा निर्णय; गोरगरीब आणि गरजू पुणेकरांना मिळणार दिलासा​

दरम्यान, गुरुवारी ७० कोरोना रुग्णांचा मृत्यू झाला आहे. यामध्ये पुणे शहरातील सर्वाधिक ३६ रुग्ण आहेत. पिंपरी-चिंचवडमधील १३, जिल्हा परिषद कार्यक्षेत्रातील १०, नगरपालिका क्षेत्रातील ५ आणि कॅंंटोन्मेंट बोर्डाच्या कार्यक्षेत्रातील सहा जणांचा समावेश आहे. कोरोनाचे नवे रुग्ण आणि रुग्णांच्या मृत्यूंची संख्या ही बुधवारी (ता.१२) रात्री ९ वाजल्यापासून गुरुवारी (ता.१३) रात्री नऊ वाजेपर्यंतची आहे. 

कोरोनामुक्त झालेल्या एकूण रुग्णांपैकी सर्वांधिक ५३ हजार ९५८ पुणे शहरातील आहेत. पिंपरी-चिंचवडमधील २३ हजार ७३२, जिल्हा परिषद कार्यक्षेत्रातील ६ हजार ९१६, नगरपालिका क्षेत्रातील १ हजार ९९५ आणि कॅंंटोन्मेंट बोर्डाच्या कार्यक्षेत्रातील एक हजार ९८९ कोरोनामुक्त झाले आहेत.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: In Pune 2388 new corona patients found on Thursday 13th August 2020