The proposal triggered a political confrontation in the Standing Committee, with the BJP supporting it and the Congress opposing the decision.
sakal
पुणे : शहरातील ३०० मेट्रीक टन सुक्या कचऱ्याची विल्हेवाट लावण्यासाठी प्रशासनाने काढलेल्या निविदेला आज (ता. २३) स्थायी समितीच्या बैठकीत सत्ताधारी भाजपने बहुमताच्या जोरावर मंजुरी दिली. या प्रस्तावावरून सत्ताधारी व विरोधक यांच्यात खडाजंगी झाली. शहरासाठी हा प्रकल्प महत्त्वाचा असल्याचे भाजपने सांगितले. तर भाजपच्या आमदारासाठी हा प्रकल्प पुणेकरांवर लादला आहे, अशी टीका काँग्रेसने केली आहे.
