Pune Accident : रूग्णवाहीकेने चिरडलेल्या वृध्दाचा उपचारादरम्यान मृत्यू; चालका विरूध्द गुन्हा दाखल.,घटना सीसीटीव्हीत कैद

ओतूर : जुन्नर येथील बसस्थानकावर रूग्णवाहीका वळवताना रूग्ण वाहिके खाली एक वृध्द चिरडला गेला असून त्याचा उपचारादरम्यान पुणे येथे मृत्य झाला आहे. हा अपघात १ जुलै रोजी सायंकाळी साडेसहा वाजे दरम्यान ओतूर बसस्थानकात झाला असून या अपघातात रज्जाक मगन मुंढे वय.६५ रा.ओतूर,ता.जुन्नर मयत झाले आहे.

ओतूर पोलीसानी रूग्णवाहीका चालक कुणाल तुकाराम डुंबरे रा.डुंबरवाडी, ता.जुन्नर वर गुन्हा दाखल केला आहे.सदर अपघातात बाबत जमिर बाबुलाल मुंढे रा.घोडेगाव ता.आंबेगाव यांनी ओतूर पोलीसात फिर्याद दिली आहे.

याबाबत सहायक पोलीस निरीक्षक सचिन कांडगे व तपासी अंमलदार दत्तात्रय पळपाडे यांनी माहिती दिली की एक जुलै रोजी डुंबरवाडी टोलनाक्यावरील रूग्णवाहिका चालक ओतूर बसस्थानकावर काही कामा निमित्त येऊन गाडी पार्क करून परत रूग्णावाहीका वळवून नेत असताना मागच्या बाजूने मागे पायी चाललेल्या रज्जाक मुंढे यांना धडक देवून खाली पाडून त्यांना रूग्णवाहिकेने दोनदा चिरडले.

त्यात ते गंभीर जखमी झाले.त्यानंतर त्याना उपचारासाठी आळेफाटा येथील खाजगी रूग्णालयात व नंतर पुणे येथील ससुन या शासकीय रूग्णालयात उपचारासाठी दाखल केले. मात्र उपचारादरम्यान त्यांचा सहा जुलै ला मृत्यू झाला.

याबाबत ओतूर पोलीसात रविवारी नऊ तारखेला फिर्याद दाखल करण्यात आली आहे.तसेच या अपघाताचे सी सी टि व्ही फुटेज ही समोर आले आहे.पुढील तपास सहायक पोलीस निरीक्षक सचिन कांडगे यांच्या मार्गदर्शनाखाली पोलीस कर्मचारी दत्तात्रय पळपाडे करीत आहे.