Pune Accident: खेड शिवापूर टोलनाक्याजवळ टँकर उलटला; परिसरात मोठी वाहतूक कोंडी

पुण्यातील खेड शिवापूर टोलनाक्याजवळ अल्कोहोलने भरलेला टँकर उलटला त्यामुळे या मार्गावर मोठ्या प्रमाणावर वाहतूक कोंडी निर्माण झाली आहे. चार क्रेनच्या सहाय्याने या टँकरला बाजूला करण्याचे काम सुरू आहे. या टँकरमधील अल्कोहोल रस्त्यावरती सांडलेले आहे.

या मोठ्या टँकरला बाजूला करण्यासाठी चार क्रेन घटनास्थळी दाखल झाले आहे. त्याला बाजूला करण्याचे काम सुरू आहे. यामुळे वाहतूक कोंडी झाली आहे. सातारा, सांगलीकडे जाणारा हा मार्ग असल्याने मोठी वाहतूक कोंडी निर्माण झाली आहे.

साताऱ्याहून पुण्याला जाणारी वाहतूक विस्कळीत झाली आहे. या मार्गावर १० ते १२ किलोमीटरपर्यंतच्या रांगा लागल्या आहेत. टँकरला रस्त्यावरून बाजूला करण्याचे प्रयत्न सुरू आहेत.