AI Cameras Boost Pune Airport Security
Sakal
प्रसाद कानडे
पुणे : देशातील गुप्तचर यंत्रणांकडून पुणे विमानतळाला अलर्ट मिळाल्यानंतर विमानतळ व परिसरातील सुरक्षा वाढविण्यात आली आहे. पुणे विमानतळाच्या परिसरात सुरक्षेच्या कारणास्तव पहिल्यांदाच ‘एआय’ (कृत्रिम बुद्धिमत्ता) आधारित कॅमेरे बसविले आहे. या परिसरात बेकायदा थांबणाऱ्या वाहनांची नंबरप्लेट हे ‘एआय’ कॅमेरे स्कॅन करतील तसेच त्या वाहन मालकाला लागलीच चलन पाठविले जाईल. हा दंड दीड हजार रुपयांपर्यंत असू शकतो. यामुळे विमानतळाची सुरक्षा आणि वाहतूक कोंडी सोडविण्यासाठी मदत होणार आहे.