Pune : खडकवासला चौपाटी परिसरात मोकाट जनावरांचा वावर; वाहनांची वर्दळ असल्याने अपघाताचा धोका

उपाययोजना करण्याची मागणी
pune
puneSakal

किरकटवाडी - मुख्य सिंहगड रस्त्यावर खडकवासला धरण चौपाटी परिसरात मागील काही दिवसांपासून मोकाट जनावरांचा वावर वाढला आहे. अगोदरच या परिसरात अरुंद रस्ता असल्याने व वाहनांची वर्दळ जास्त असल्याने या मोकाट जनावरांमुळे अपघाताची शक्यता निर्माण झाली आहे.

त्यामुळे नाहक एखाद्याचा बळी जाण्याच्या अगोदर संबंधित विभागाने याबाबत योग्य ती कार्यवाही करण्याची मागणी नागरिक करत आहेत. याबाबत तातडीने कार्यवाही करण्यात येणार असल्याचे पालिकेच्या भटकी जनावरे पकडणाऱ्या विभागाच्या अधिकाऱ्यांनी सांगितले आहे.

pune
Mumbai Rain : मुंबईत जोरदार पाऊस; रस्ते वाहतूक मंदावली

खडकवासला धरण चौक ते डीआयएटी गेट दरम्यान आठ ते दहा मोकाट जनावरे दिसून येतात. चौपाटी परिसरात पर्यटकांनी खाऊन टाकलेली मक्याची कणसे, कणसावरील कपटे खाण्यासाठी ही जनावरे एका बाजूकडून दुसऱ्या बाजूला ये-जा करतात. काही जणावरे रस्त्याच्या मधोमध येऊन थांबतात.

या परिसरातील रस्ता अगोदरच अरुंद आहे. तसेच जागोजागी वळणे असल्याने पुढील रस्ता दिसत नाही. त्यामुळे अचानक जणावरे समोर दिसत असल्याने वाहनचालकांना वाहन नियंत्रित करणे अवघड होत आहे. या जनावरांमुळे अपघात झाल्यास नाहक एखाद्याचा जीव जाऊ शकतो त्यामुळे अशाप्रकारे जनावरांना मोकाट सोडणाऱ्यांवर कारवाई करण्यात यावी अशी मागणी नागरिक करत आहेत.

pune
Mumbai : पावसामुळे लोकलचा वेग मंदावला! आठवड्याच्या पहिल्याच दिवशी मुंबईकरांना लेटमार्क !

"अंधारात जनावरे आडवे आल्याने वाहन नियंत्रित करताना गोंधळ होत आहे. या रस्त्यावरून अगोदरच वाहनांची वर्दळ जास्त असते, त्यामुळे जनावरांना चुकविण्यासाठी वाहन दुसरीकडे घेतल्यास अपघात होऊ शकतो. प्रशासनाने याबाबत दखल घेऊन कारवाई करणे अत्यंत आवश्यक आहे."

गणेश वाघमारे, नागरिक.

"जनावरे नेमके कोणत्या वेळी येतात याबाबत माहिती घेण्यात येईल व योग्य ती कारवाई करण्यात येईल."

- सुहास पांढरे, स्वच्छता निरीक्षक, पुणे मनपा.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com