Pune Traffic : पुणे-बंगळूर सेवा रस्त्यांची बिकट अवस्था! खड्ड्यांमुळे नागरिक, वाहनचालक त्रस्त; पावसाळ्यात धोकादायक स्थिती

बावधन : पुणे-बंगळूर महामार्गालगतच्या सेवा रस्त्यांची अवस्था दिवसेंदिवस अधिकच बिकट होत चालली आहे. ठिकठिकाणी मोठमोठे खड्डे पडल्यामुळे वाहनचालकांचे हाल सुरू असून, या खड्ड्यांमुळे अपघातांचे प्रमाण वाढले आहे. विशेषतः पावसामुळे खड्ड्यांत पाणी साचल्याने ते दिसत नाहीत आणि त्यामुळे दुचाकीस्वारांना अपघातांना सामोरे जावे लागत आहे. नागरिकांनी वारंवार तक्रारी करूनही संबंधित यंत्रणा मात्र अद्याप निष्क्रियच आहे.