Baramati: अवकाळी पावसाने द्राक्षबागांचे कोट्यवधींचे नुकसान | Sakal
sakal

बोलून बातमी शोधा

अवकाळी पावसाने द्राक्षबागांचे कोट्यवधींचे नुकसान

बारामती : अवकाळी पावसाने द्राक्षबागांचे कोट्यवधींचे नुकसान

बारामती : तालुक्यात दोन तीन दिवस सुरु असलेल्या अवकाळी पावसाने द्राक्ष बागांना कमालीचा फटका बसला असून द्राक्ष बागायतदारांचे अक्षरशः कोट्यवधींचे नुकसान झाले आहे. दोन दिवस अवकाळी पावसाने बारामती व इंदापूर दोन तालुक्यात द्राक्ष पिकांचे कमालीचे नुकसान झाले आहे. एकट्या काटेवाडी परिसरात अंदाजे एक हजार एकर क्षेत्रावर जवळपास 250 शेतक-यांनी द्राक्षाचे पिक घेतले होते. या मध्ये तयार झालेल्या द्राक्षांचे घड अवकाळी पावसाने झडून गेले तर काही ठिकाणी द्राक्षाचे मणी फुटून नुकसान झाले आहे. काटेवाडी परिसरातील शेतक-यांचेच जवळपास एक कोटींचे नुकसान झाले आहे.

काही द्राक्ष विक्री साठी तर काही द्राक्ष वायनरीसाठी पाठवली जातात. या पावसाने या दोन्ही द्राक्षांचे अतोनात नुकसान झालेले असल्याने द्राक्ष उत्पादक हवालदिल झाले आहेत. ढगाळ हवामान, कधीही येणारा पाऊस याने यंदा द्राक्षापासून किती उत्पन्न मिळणार या बाबत उत्पादक साशंक आहेत.

हेही वाचा: पिंपरी : आज कोरोनाचे ३७ नवीन रुग्ण; एकाचा मृत्यू

यंदा बंगलोर, माणिकचमन, काशी गणेश, अनुष्का यासारख्या व्हरायटीची द्राक्षे घेतलेली होती. या पावसाने हातातोंडाशी आलेला घास हिरावून नेल्याची भावना उत्पादकांनी बोलून दाखवली. तयार झालेली आणि वायनरी साठी जाणारी या परिसरातील तीनशे एकरांवरील द्राक्षाचे मोठे नुकसान झाले आहे. वायनऱी साठी केल्या जाणा-या द्राक्षांपासून सर्वसाधारणपणे एकरी अडीच लाखांचे उत्पन्न मिळते तर इतर द्राक्षांपासून बाजारातील दरानुसार चार ते पाच लाखांचे उत्पन्न मिळते.

नुकसानभरपाई मिळावी....

या अवकाळी पावसाने हातातोंडाशी आलेल्या द्राक्षबागांचे कमालीचे नुकसान झाले आहे. या नुकसानीचे पंचनामे करुन शासनाने उत्पादकांना नुकसानभरपाई द्यायला हवी. शासन स्तरावर नुकसान होऊन अजूनही कोणी पंचनाम्यासाठीही आलेले नाही. – प्रशांत सुरेश काटे, काटेवाडी. बारामती.

Web Title: Pune Baramati Grapes Farming Rain Farmer Loss

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pune NewsrainFarmer