पुणे : जॅपनीज एन्सेफेलायटीस (जेई) सारख्या गंभीर आजारापासून संरक्षण करण्यासाठी शहरात १ ते १५ वयोगटातील मुला-मुलींसाठी ‘जेई’ ची लस देण्यात येत आहे. पुणे महानगरपालिकेच्या आरोग्य विभागाने १ मार्च पासून मुला-मुलींसाठी लसीकरण मोहीम सुरू केली असून या मोहिमेअंतर्गत महिनाभरात (ता. २६) २ लाख २६ हजार मुला– मुलींना लस दिली गेली आहे. परीक्षा, सुट्ट्यांमुळे येतोय लसीकरणात अडथळा येत असल्याने लसीकरण मोहीम धीम्या गतीने सूरू आहे. ती पूर्ण करण्यासाठी प्रयत्न करण्यात येत आहे.
