Pune : नाणेघाटाजवळील ब्रिटिश कालीन फडके बंधारा तुडुंब

Pune - पर्यटकांना भुरळ घालणाऱ्या,पावसाळी पर्यटनाचा केंद्रबिंदू असलेल्या ऐतिहासिक नाणेघाटाजवळील ब्रिटिश कालीन फडके बंधारा बुधवार ता.२८ रोजी सांयकाळी तुडुंब भरून वाहू लागला.

यावर्षी उशिरा पाऊस सुरू झाला असला तरी हा बंधारा भरल्याने घाटघर ग्रामस्थ समाधान व्यक्त करत आहेत. हा बंधारा ओसंडून वाहू लागल्याने मासे चढणीला लागल्याने मासे पकडण्यासाठी तरुणांची लगबग सुरू झाली असून मासे पकडण्याचा मनमुराद आनंद स्थानिक घेत आहेत.

महात्मा फुले जल समृद्धी योजनेअंतर्गत तसेच रोटरी क्लबच्या माध्यमातून बंधाऱ्यातील गाळ काढण्यात आला आहे तर जलसंधारण विभागाने यावर्षी बंधाऱ्यांची उंची तीन मीटरने वाढविली आहे. गाळ काढण्याचे व उंची वाढविण्याचे महत्वपूर्ण काम झाल्याने येथील पाणीसाठा वाढण्यास मोठी मदत झाली आहे.