पुणे : जिल्ह्यातील उद्योग क्षेत्र गतिमान होत असून आर्थिक वर्ष २०२३-२४ च्या तुलनेत २०२४-२५ मध्ये कंपन्यांनी त्यांच्या वृद्धीत सरासरी १०.३६ टक्के वाढ असल्याचे नमूद केले आहे. आर्थिक वर्षात २०२४-२५ हे जिल्ह्याला उद्योग क्षेत्रासाठी कसे होते समजून घेण्यासाठी ‘मराठा चेंबर ऑफ कॉमर्स, इंडस्ट्रीज ॲण्ड ॲग्रिकल्चर’ (एमसीसीआयए) कडून नुकतेच एक सर्वेक्षण घेण्यात आले. त्यात उत्पादन, सेवा आणि व्यापार क्षेत्रातील १५२ कंपन्यांनी सहभाग घेतला होता.