पुणेकरांना बदल स्विकारावे लागतील - गणेश बीडकर

पुणे - नदी सुधार प्रकल्पासाठी (River Improvement Project) नदीपात्रातील रस्ते बंद (Road Close) केले जाणार असल्याचे त्याचे भाजपकडून (BJP) समर्थन केले आहे. हे रस्ते लगेच बंद होणार नाहीत. पण नदीचे रुप पालटण्यासाठी हा प्रकल्प महत्त्वाचे आहे. पुणेकरांना काही बदल (Changes) स्वीकारावे लागतील. हे रस्ते बंद झाले तर त्याला पर्यायी मार्ग देण्यास आम्ही कटिबद्ध आहोत, असे सभागृहनेते गणेश बीडकर (Ganesh Bidkar) यांनी स्पष्ट केले.

नदी सुधार प्रकल्पाअंतर्गत ११ टप्प्यांमध्ये काम केले जाणार आहे. पहिले दोन टप्पे संगमवाडी ते बंडगार्डन आणि बंडगार्डन ते मुंढवा या दरम्यान होणार आहे. राजाराम पूल ते संगमवाडी या टप्प्याने काम पुढील तीन चार वर्षानंतर हाती घेतले जाणार आहे.त्यामध्ये नदीपात्रातील रस्ते बंद होणार आहेत. तर बाबा भिडे पूलासह इतर छोटे पूल पाडले जाणार आहेत. याबाबत बीडकर म्हणाले, ‘नदीपात्रात वाहते पाणी असावे, नदी स्वच्छ असावी यासाठी हा प्रकल्प महत्त्वाचा आहे. नवीन प्रकल्प करताना काही बदल स्वीकारावे लागतील. रस्ते बंद झाल्यानंतर तेथे पर्यायी मार्ग देण्यासाठी आम्ही कटिबद्ध आहोत. तसेच जायका प्रकल्प हाती घेतला जात असल्याने नदीचे पाणी स्वच्छ होणार आहे.