Pune CNG Pump : पुण्यातील CNG पंपाबाबत नवा खुलासा! फक्त 'हे' पंप राहणार बंद

पुणे : पेट्रोल डीलर असोसिएशनने हा बंद पुकारला असून त्यांच्या मागण्या मान्य केल्या नसल्याने उद्या, 1 ऑक्टोबर रोजी पंपांवर टोरेंट सीएनजीची विक्री बंद असणार आहेत दरम्यान ऑल इंडिया पेट्रोल डीलर्स असोसिएशनने या बाबत खुलासा करत डीलरच्या कमिशनमध्ये वाढ न केल्याचा निषेध म्हणून उद्या टोरेंट सीएनजी स्टेशन असलेले सर्व आऊटलेट्स फक्त एक दिवस बंद राहतील अशी माहिती दिली आहे.

पुण्यातील 60 हून अधिक सीएनजी (CNG) पंप उद्या (शनिवारी) बंद राहणार आहेत. पेट्रोल डीलर असोसिएशनने 1 ऑक्टोबर रोजी नो सेल (NO SALE० बद्दल 7 दिवसांपूर्वी Torrent आणि OMC ला कळवले होते परंतु त्यावर त्यांना कोणतेही उत्तर मिळालेले नाही. त्यामुळे उद्या पुण्यातील काही CNG पंप एका दिवसासाठी बंद राहणार आहे.

डीलरच्या कमिशनमध्ये वाढ न केल्याचा निषेध म्हणून उद्या टोरेंट सीएनजी स्टेशन असलेले सर्व आऊटलेट्स फक्त एक दिवस बंद राहतील. तथापि, पुणे शहराच्या हद्दीतील सीएनजी स्टेशन्स ज्यांना MNGL पुरवठा आहे, ते दिवसभर उघडे राहतील. फक्त महामार्गावरील सीएनजी पंप बंद राहतील. यासोबतच पेट्रोल आणि डिझेलच्या पुरवठ्यावर परिणाम होणार नसल्याचे ऑल इंडिया पेट्रोल डीलर्स असोसिएशनकडून सांगण्यात आले आहे.

त्यामुळे पुणे शहरातील ग्राहकांनी घाबरून जाण्याची आणि काळजी करण्याची गरज नाही अशी माहिती ऑल इंडिया पेट्रोल डीलर्स असोसिएशनचे प्रवक्ते अली दारूवाला यांनी एका निवेदनात दिली आहे.