महापालिकेतील भ्रष्टाचारविरोधात राष्ट्रवादीची लाचलुचपतकडे तक्रार | Sakal
sakal

बोलून बातमी शोधा

Pune Municipal Corporation
महापालिकेतील भ्रष्टाचारविरोधात राष्ट्रवादीची लाचलुचपतकडे तक्रार

महापालिकेतील भ्रष्टाचारविरोधात राष्ट्रवादीची लाचलुचपतकडे तक्रार

पुणे : पुणे महापालिकेत भाजपच्या कार्यकाळात समान पाणी पुरवठा, जायका प्रकल्प, समाविष्ट गावातील सांडपाणी व्यवस्था, ॲमेनिटी स्पेस भाड्याने देणे यासह इतर विषयांमध्ये मोठ्याप्रमाणात भ्रष्टाचार झाला आहे, त्याची चौकशी करावी यासाठी आज (ता. १७) राष्ट्रवादी काँग्रेसने लाच लुचपत प्रतिबंधक विभागाकडे लेखी तक्रार करून कारवाई करण्याची मागणी केली. (Pune Municipal Corporation Corruption)

समान पाणीपुरवठा योजना, बाणेर व वारजे येथे एक हजार कोटी रुपये कर्ज घेऊन हॉस्पिटल उभे करणे, महापालिकेच्या ३५० अँमिनिटी स्पेसच्या जागा भाड्याने देणे, 'जायका' या सांडपाणी प्रक्रिया प्रकल्पाच्या निविदेत आर्थिक अनियमितता, खासगी बांधकाम व्यावसायिकाला महापालिकेची आरक्षीत जागा शाळेसाठी देणे, समाविष्ट ११ गावांमध्ये सांडपाणी वाहिनी टाकण्याच्या ३९३ कोटीचे निविदेतही भ्रष्टाचार झाल्याचे प्रथमदर्शनी दिसून येते.

हेही वाचा: व्यक्तीला बदनाम करण्याचे अधिकार फायनान्स कंपन्यांना कोणी दिले?

या प्रकरणांची चौकशी करण्याची मागणी लाच लुचपत प्रतिबंधक विभागाकडे राष्ट्र्वादीने केली आहे. यावेळी शहराध्यक्ष प्रशांत जगताप, जयदेव गायकवाड, अंकुश काकडे, रवींद्र माळवदकर, नगरसेवक सुभाष जगताप, बाबूराव चांदेरे, प्रदीप देशमुख, महेश हांडे उपस्थित होते.

यावर सभागृहनेते गणेश बीडकर म्हणाले, ‘‘महापालिकेच्या इतिहासात जी कामे कधीच झाली नाहीत अशी कामे आम्ही मार्गी लावण्याचा प्रयत्न केला हे राष्ट्रवादीने मान्य केल्याचे या आरोपातून स्पष्ट होते. तसेच ज्या विषयांच्या निविदा अंतिम झालेल्या नाहीत त्यात कसा भ्रष्टाचार होऊ शकतो. तसेच यातील बहुतांश प्रस्तावासाठी राष्ट्रवादीच्या नगरसेवकांनी मतदान केले आहे.

Web Title: Pune Corporation Ncp Complaint Anti Corruption

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top